沒有ByeBye，只有再見。

一句電訊公司漫遊服務宣傳口號，好o岩身邊一位朋友聽，每一次都用平常心面對，相信壓力會輕好多。

Wide LCD

終於敗o左Samsung 215TW，真係好大隻，要o的時間適應！

即影即有

又有同事farewell，禮物諗o左好耐都諗唔到，o係同事提意下買o左即影即有相機，估唔到o係全民皆DC潮流下，即影即有相機仲有市場。

傳統o既白邊菲林已經進化到有各式各樣卡通人物，惹來一眾女生歡喜。



不變的，是菲林的售價，每張索價近$5，不過即時開心無價。

豬年

豬年年初一，祝大家身體健康，事事如意，恭喜恭喜！
(雖然我仲肚痾中 -_-)

又肚痾

近半年腸胃差o左好多，已經第三四次去睇醫生，對上一次只係一月一日，真係密o左o的。

由零開始

我感覺到三月，公事上將會由零開始，音樂椅遊戲睇o黎仲要玩多兩個月，可能我到時已經癲o左。

粗口

廣管局對《秋天的童話》入面所謂粗口實在太敏感，香港有一本「粗口大字典」麼？

老實，仆街對我o黎講唔係粗口，只係發洩、減壓用，例如：「佢個仆街！」


請廣管局向外供出佢o既「粗口大字典」，究竟是社會太開放還是廣管局閉門造車？

聆聽者

我唔知算唔算一個好好o既聆聽者，但當身邊有朋友搵我呻o既時候，我幾樂意聽，同時於自己能力內幫佢或者講下自己睇法。

積積埋埋儲落好多來自朋友o既怨氣，一半係工作，一半係愛情，好少係來自生活上o既怨氣。
我自己比較樂觀，雖然我都會有脾氣，但我好少同朋友講自己o既苦況，好多時都係一句起兩句止，再加埋o係blog入面幾句o野就算，聽就聽好多，要我講就真係好少。

不過，如果身邊有一個你覺得幾好o既聆聽者，恭喜你，他/她比男女朋友更難求。

波叔出城:哈薩克鄉下佬去美國搵著數

星期六晚家人飯局前去o左電影中心睇《波叔出城:哈薩克鄉下佬去美國搵著數》，笑到爆晒咀，完全無諗過可以玩到咁盡，大家有時間記得去睇！

四季

今日最高氣溫接近26度，香港的冬天可以話已經過去，夏天已經來臨，香港再沒有秋天和春天了。


我覺得我有生之年，應該會見到南、北極冰山完全溶化，末日降臨的一天。

離職潮

今年離職潮真的夠猛，我公司已經有五個人遞信唔做，包括我老頂。


老細角度可能覺得有同事唔做，搵個人替代就得，但有冇睇到背後一o的隱藏成本?
新人真係可以幾個星期內完全pick up?上一手真係會完全交待所有事項？

除o左薪金，工作環境、壓力、同事關係都好影響員工流失率，我公司各方面完全不濟！唉！

《太陽之歌》

今日同朋友睇o左太陽之歌，其實成套戲都ok，本身係一套小本製作o既作品，故事改篇自《新不了情》，被日本傳媒喻為純愛三部曲最感人o既作品，同較早時間睇《生日快樂》一樣，純愛—簡單而刻骨銘心。

先講什麼是XP病。
片中講述XP(色素性乾皮症)病，較早時間睇了一套documentary: The Girl who Lives in the Dark，講述大陸鄉村一位女小朋友患上這個病(相關新聞)，一個活生生的例子。正常人皮膚受到紫外線傷害後，一種酵素會發揮作用，修補皮膚；但XP病患者因為皮膚裡缺乏這種酵素，所以會好易變成腫瘤，演變成皮膚癌。該會女小朋友雖然能成功切除臉部的腫瘤(失掉了鼻子及一隻眼)，但由於發現得太遲，癌細胞已經擴散身體其他部份。手術後幾個月，因為癌細胞感染肺部，離開人世。

另外，XP病患者神經元亦會受到傷害，最終四肢會癱瘓，就好似《太陽之歌》片內所描述。


《太陽之歌》女主角YUI，雖然只得19歲，但唱功真的無話可說，片尾播GoodBye Days，自己作曲、自己彈、自己唱...


現在就去與你見面
就這樣決定吧
藏在pocket中的這首歌
想給你聽聽

慢慢把volume推上
調較到最合意為止

oh Good-bye days　現在
將會改變
昨日已經離我　so long
但你給的溫柔仍然伴隨著我
遞上一邊earphones 給你
就在這瞬間音樂開始奏起

我可以去愛你嗎?
有時都會迷惑起來．．．
oh Good-bye days　現在
要開始改變了 但在我心中深處 alright
因為我擁有你給的溫柔伴隨一起呢

雖然不想去想太多悲傷的那一面
但是為什麼它仍然在煩擾著我?
在此時 懷著笑臉
說著Yeah hello!! my friend 怎麼樣 　
能夠說出這樣的說話就好了...
當唱著同樣的歌時
都想繼續在你身邊 I wish
只想溫柔的去見你

男主角樣貌幾惹笑，令整個故事不致太悲傷。雖然結局不是完美，但女主角樂觀地面對，是成個故事最可取的地方。



P.S. 第二次去朗豪UA，都係唔係咁鍾意佢個位，全套戲我都係前前後後咁郁來郁去。

轟炸

病完返工感覺多數都係想死(應該話次次都係死)，做足九粒鐘唔停手，返到屋企細妹又扮大牌，乜o野都唔做，食完飯就衝入房搵歌轟炸，最近鍾意聽YUI。