^_^

肚痛了大半個月，雖然有食藥，但唔覺有特別好轉。唯有迫自己食飯時慢慢食，唔急得。
從前15分鐘就食完一盒飯，現在要迫自己二十至三十分鐘先可以，希望減輕胃的負擔啦！唉！

唔想再食粥住，食o左兩個禮拜o勒！

什麼是準備?點樣知自己準備好?

我好似準備好到另一達地方...

擒日頭赤赤，唔想working hour食藥訓，唯有死頂。

放工約o左人睇Harry Potter，兩粒半鐘...突然諗起有人話過寶礦力可以醫頭痛，即刻沖入便利店買支，睇戲中途慢慢飲，慢慢飲，真係好o的喎！

返到屋企真頭無痛添！

舒服晒!

好鍾意飲茶*，有時返工會第一時間沖茶包飲。
冬天的時候，每到假期，很多時大清早會跑上川龍的茶樓泡茶，冷冰冰的天氣喝一口熱茶，正!
當然，去到川龍的茶樓，全部自助，亦唔好諗住好乾淨，眼不見為乾淨吧！

*我不愛喝普洱，因為飲完係訓唔到覺...

我好鍾意坐倒頭位，o個種感覺好得意，但巴士上o既倒頭位好多時都好"頂腳"，落車有時都幾尷尬，但如果對面無人坐o既話，個位都幾闊落o架!

不過如果唔係好坐得倒頭位，唔好試，因為真係好易暈車浪...

好想尋回失落已久的愉快生活！
公司突然好多o野做，進度又未令自己滿意...

放工後聽o左好多電話，心情一直住下沉...

愉快的生活比搵錢仲難!

近排差唔多晚晚都要爆一陣PS2先安樂，可能用o黎減壓o卦...

不過部PS2好似有o的問題，成日read唔到張save咭 >_<

二零零三年，七月一日，五十萬香港人做了一件大事，我，亦在其中。

二零零四年，七月一日，相信唔少香港人亦唔會忘記二零零三年是點樣。

七一，維園見。

昨天精神不佳下打牌，打得都幾大，洗牌，叠牌，俾錢，收錢，呆呆滯滯又一日。

港式茶餐廳必備食品，有o的日本遊客更加坐幾個鐘頭飛機，為一個賣三蚊o既菠蘿油。

菠蘿油一定要新鮮熱辣辣先好食，軟熟的菠蘿飽再加一片軟滑的牛油，正！

我想發霉變菇菇！
搵個無人沙灘活埋自己！

全行牙醫要預約，偏偏星期日不設預約，無乎，調假洗牙..

我相信牙醫入面給病人坐的座位公認第一好訓，高度，軟硬度全部剛剛好，一百八十度平放，比飛機上的頭等座位還舒服，但奈何洗牙的過程一點也不舒服，鬼叫自己平時刷牙刷得衰咩，抵死！

無鬼聊聊整個blog，唔好expect我有咩俾大家睇

2004/08/01