2007/01/31

肚痛

星期日晚開始肚痛,但大小二便又正常不過,頂o左兩日,放工終於走去睇醫生。

醫生開o左一o的胃酸控制藥,同一o的腸胃藥,今朝個肚仲係有o的痛...

2007/01/30

雙糧

今日收到雙糧,不過下個月卡數已經將份雙糧敗得一乾二淨,不得不害怕自己的敗家能力。

我就o黎要整個"慳"字貼o係office個位到。

2007/01/29

唔識笑

唔知係唔係近來睇得傷心戲多,同時身邊有朋友親人發生點事,朋友身體又好像有點問題,我呢幾日總係週身唔自在。

朋友有難題要解決,我能力範圍內,我當然盡力幫助,不過太多東西已經超出可控制範圍,一切也等待安排。

祝大家身體健康。

2007/01/28

東宮西宮



已經去到第五集,進念二十面體慶賀回歸十週年頭炮。

先問大家記得幾多政府o既「口號」?
酒精害人,開車前咪飲;路上零意外,香港人人愛;預防禽流感,勿摸活家禽;駛出真功夫,方為大師傅;你玩藥,藥玩你;水果蔬菜不可少,日日記得2+3;小心登革熱,齊來把蚊滅;謹慎每秒鐘,財物免失蹤;活學英語,機遇處處... ...

舞台劇除左一慣諷刺致府外,GST、高地價、屏風、普選、天星... ...好似沒有關連,實際上節節緊扣。最震撼係劇o既最尾,播出一條短片,回顧1997至2007年,十年間香港,中國,以至全球發生o既大事。

香港回歸,Windows 98,千禧年,iPod,喬治布殊上台,911,SARS,禽流感,71大遊行,董建華下台,印尼大地震引發海嘯,倫敦大爆炸,YouTube,安倍接任日本首相,恆指突破2萬點,Global Warming(Warning)....你我不能忘記的十年。


舞台劇帶出一個重要訊息:香港不再是中國唯一的對外窗口,我們下一個十年應該如何把握?

2007/01/25

Moto MaxxV6小評

用o左大約一星期,開始用熟部機,俾返小小用後感:

缺點:
1. Voice Dial/Control唔可以同時辨認中文或英文姓名,要由手機介面語言控制,不過準確度不錯,而且可以語音輸入號碼作撥號。

2. 通話紀錄換掉SIM後會被清除。

3. 啟動藍芽後沒有任何顯示,與其他藍芽設備接駁成功後才會有圖示及指示燈顯示。

4. 機面熱感應鍵感應度差。


優點:

1. 話音清晰,接收強勁,通話中3G->2G完全應付自如。

2. 介面操控尚算直接流暢。

3. 不需要password就成功pair到我支plantronics藍芽免提。

4. 機內LCD非常清晰,鍵盤回饋力度適中。

5. 整體機身做功一流,加上金屬機身外塗防滑膠,手感不錯。

6. 相機質素比想像中清楚,LED亦非常強勁。


不過同時亦發覺當使用HSDPA,有data in/out o既時候係入唔到電話,data connection亦會中斷


補充小小voice dial,其實幾好用,不過唔支援中英夾雜人名就煩小小,特別o係香港。

點解好用,例如你save一個人名叫"Joseph",咁你o係voice dial只需要講Joseph,佢就識認,你唔駛錄音就用到,中文名都係,你save做"小強",只需要講小強就認到。不過當你個phonebook有 Joseph,又有小強就麻煩,英文UI只會認到英文Phonebook items,中文UI只會認到中文Phonebook items

2007/01/23

《生日快樂》

朋友想睇生日快樂,當然去,不過亦都破左我等朋友最高記錄,時間夠佢做轉台北。哈哈!


淡淡的愛情其實是最美,亦是最刻骨銘心。

睇完戲後我提意入元朗cafe家.品茶食飯,一間好舒o既cafe,絕對唔係市區o既cafe可比較,市區cafe真係好嘈,我只係想靜靜o地食餐飯咋!




這裡的心太軟一定要試!好得!

一路坐車一路寫呢個blog,同時聽住電影《太陽之歌》主題曲Good-bye days,下一次應該會睇呢套。

2007/01/21

霧@東涌道

今日行山行到成身濕晒,唔係因為熱,而係好大霧,由東涌行去大澳都係霧中行,食完雞坐車走點知仲大霧,視野得一支燈柱,但對面o的司機有幾個只係開支細燈,行到好埋先見到對方,真係好危險。




2007/01/20

Palm IIIx

我的抽屜仍保存著一部Palm IIIx,這一部PDA我不會賣掉,對我來說實在太多回憶,第一次談戀愛都因為他。

這天晚上無聊沒事做,就給你兩口電池,再次展現你的力量!


寧俾人知,莫俾人見

擒日in.人,一男一女,男o既一般,女o既幾impressive,不過望真o的份o野,哇!有冇咁多F呀...

有八個字標出o黎:「寧俾人知,莫俾人見。」
唉!

2007/01/17

飯局

擒晚屋企飯局,同由澳洲回港o既朋友食飯,都係講下澳洲同香港情況,同時又燃起我去澳洲放假o既夢,屋企人好似想趁澳洲o既冬天過去,但我自己就唔係咁想,因為澳洲o既冬天天氣無咁好,我都係想o係秋天過去,較為晴朗一o的。

屋企人想去睇雪同o係阿德箂德玩耐o的,但我就想去Ayers Rock,睇o黎又係有排攪o勒!

2007/01/16

赤字

年頭年尾大洗o左,連續兩個月財赤,預計下個月都係財赤,今個月公司出year-end bonus都係要收收埋埋慳o的洗囉。

2007/01/15

見工

唔係去見工,係有人o黎見工,真係想知而家班o靚仔點樣去見一份工,見我就唔駛驚,好似傾閒話就得,唔駛緊張。 XD

2007/01/13

謝絕OT

本來對我o黎講,耐唔耐OT一個半個鐘係無乜所謂,但上去面要識做,我做得咁辛苦,耐唔耐要俾o的甜頭出o黎。

下星期連續兩晚OT 3個鐘,我老細就話補返半日假俾我,因為其中一晚要七點半先可以開工,攪得o黎都成十一點,兩日夾埋補返半日假唔係好過份。

點知大老細reject,頂佢,同我搬出HOUR policy,佢個ly,下面同事要求唔過份,大佬,出街食飯都要錢啦,萬一攪到十二點的士又要自己俾,咁樣要你半日假都唔得,同我講policy。好,抵你無運行,我唔會再同你OT,食自己啦!

2007/01/12

Homework

好僧帶工作返屋企做,擒晚o係屋企一做,做足兩個半鐘,坐定定無停過手。

雖然「工作環境」比較好o的,例如可以大聲播歌,Keyboard我又熟識o既,又係LCD,但真係唔想將我屋企變成另一個戰場,腦細,你懂不懂?


擒晚播o左一晚NANA 2 sound track,配樂都幾好,3首戲中曲又幾易入耳喎!

2007/01/11

NANA 2



做完自由行後,出返市區睇NANA 2,之前網上討論已經覺得唔係咁好睇,但睇o左第一集無理由唔睇埋個尾。

睇娛樂新聞都知道NANA 2 o既奈奈轉o左由市川由衣演出,戲中無法子表演到天真o既性格,而且戲裡面真係幾殘,但睇相又唔覺。
市川由衣 offical site: http://www.ken-on.co.jp/yui/index.html
其餘主要演員都轉晒,除o左娜娜,真係難攪。

講返套戲,感動位好少,第一集睇到我濕濕,第二集o既感動位真係未到肉,而且故事結構唔緊合,好鬆散。


戲中其中一場o係新宿駅東出口o既一場戲,真係唔知佢o地點拍,可以control得咁好,場面真係好正。

2007/01/10

做了自由行?

本來一日假期諗住執屋,點知變o左自由行。


一早就變身「心靈雞湯」,入o左某航空公司「參觀食飯」,飯後就再變身自由行,搭昂平360上大佛。

其實自己對吊車真係有恐懼,細細個去海洋公園已經唔敢坐佢o的吊車,因為每過纜塔就會好震,o的聲又好響;之後大前年去澳洲,Blue Mountain o既吊車亦都唔敢坐,真係畏高...



今次坐360都驚驚o地,雖然幾大風,但都幾穩定,而且沿途風景真係幾靚,但係座位下面個入風位好凍。

半個鐘就上到去,昂平市集真係只係o岩遊客,連Starbucks都有,好鬼長城feel。



之後上大佛,同行朋友原來未上過,咁一定要上去,不過下午大佛嚴重背光,無法子影得好。
去完大佛就去埋附近心經簡林,同行朋友一路行一路話俾個十分鐘指示牌呃到,其實上山要多o的時間o者,放慢腳步,享受難得的一日假啦!

去到影o左幾幅相,雖然煙霞幾大,但影出o黎總算不錯。


然後出返寶蓮寺,影幅相就走人。

見到菊花好靚,又影。

去返纜車站,見到一班「中華小姐」影相,見真人真係... ...

回程落山比較多人,唔可以好似上山咁自己一班人一架車,要同其他人share,但同時有個問題,一架咁細架o既纜車點樣載17個人?坐8個人就o岩o岩好,其餘9個人點迫?


落返東涌,搭返車出市區睇NANA 2(NANA 2留返下次講),o係架車入面好眼訓,同時我發覺而家我坐襯長途車都會訓,但以前一定唔會,唔通真係老o左?

Maxx V6

話口未完就敗o左,真係幾型,而且真係好slim :p

用佢駁埋我部x60流動上網,真係好爽同好快,不過$$去得仲快!


新機未過頭七,遲少少先post相。

2007/01/06

即炒

有個幾熟o既同事今日俾人即炒,我就無啦啦俾人擺上檯...

話說,經過長達半年不停催大老細,聖誕後終於confirm請多個人幫我手,我到時真係變IT打雜。

好o勒,咁我前日寫o左o的requirement俾上佢,因為我呢邊無head count,o係第二個dept.拎佢個head count過o黎,咁個requirement俾o左去o個個dept head到,o個個dept. head就係全場最乞人憎o個個o勒!

o個個PK dept. head就趁擒日大老細同我呀head出去見客o個時就夾硬推一個女同事過o黎interview,話好合適喎,其實我同呢個女同事都幾熟,我之前已經有風聲話俾佢知唔可能個PK head會推佢過o黎,因為積怨好深(基本上個PK head同佢o的同事個個都有積怨!)果然不出所料!

擒日我都精,推到落今日下午先interview,方便夾口供,點解我唔要呢位女同事呢,先睇睇我reqirement:

Responsibilities

Data Printing and data management

Requirement:

1. F.5 or F.7
2. Knowledge in Microsoft Office is a MUST
3. Experience in Microsoft Access Database is a plus
4. Detail oriented, careful.
5. Able to work independent and under pressure

好似一般clerk要o既o野,但其實需要大量體力勞動,一print親都過萬張紙,即係五六盒紙(唔係五六包!),試問一個女仔點handle?男仔都叫救命啦!仲要搬出搬入喎,話有車仔推o者,咁但係printer去車仔都要力o架,我真係想請個人想幫我手...
而且我要佢識mail merge,但佢真係唔識喎。

好,interview就做場大戲,同時度好點覆個PK head,咁我三點幾就出email reject個application,原因我咁寫:
"After interview with XXXX, she have sound knowledge of Microsoft Office, but not enough to my requirement. So....."

五點半左右個head就炒鬼佢,未知咩理由,應該都係o的莫須有o既理由,我就擺o左上檯,好似連我都唔要佢,所以要炒佢,呢個PK head都夠絕,佢以後一定無好日子過。

2007/01/05

SMS

Don't be so sad when you got my SMS, I still here, but I want to let you know the reason.

2007/01/03

07敗家目標

新一年,要為自己定下敗家目標,絕對係每朝起身返工原動力!

Treo 680



我部Treo650俾我用到經常自動熄電話,真係想死,講真,真係唔想換Treo680。

Moto Maxx V6



由於我公司怒block網站(或者速度龜速),最終我要自資98蚊一個月出o黎玩3G/3.5G流動上網,見到呢部電話好型,又support HSDPA,心郁郁!

Samsung 215TW



好鍾意用Wide LCD打直睇文件,好舒服!


Contessa Chair



有個Wide LCD當然要配一張人體工學坐椅啦,Contessa一試就上癮,弊!


澳洲旅行





好鍾意澳洲o既藍天,亦好鍾意澳洲好悠閒o既生活節奏,一切都慢下來。
希望07年中可以去澳洲旅行,放個大假,抖下,最好去到Ayers Rock!

2007/01/01

2007

祝大家新一年健健康康、嘻嘻哈哈