放飛機

習慣了被放飛機，雖然一定不好受，但還是慣了。

放飛機大致可以分兩種，一種在最後一分鐘因為其他問題被迫取消赴約，事主們多數抱著真誠歉意向你道歉，值得原諒！

另一種，打從第一秒開始，已經不想參加，但很多時以拖字訣，去到最後一分鐘當真是要下決定的時候，抱歉，打退堂鼓了，還作出一種"計劃亂了不是我的錯，錯在是因為你提出來"的口臉，討厭！

或者，對方根本不當放飛機是一會事。

今年的秋季大旅行，日本定九寨，我掙紮了太耐，要做一個決定了。
一個人的旅行，更加精彩。

由誠品到笠酒店

(本來星期一晚想出notes，點知......)

星期日，好充實，一晚間由香港去了台北，再去日本笠酒店，高呼過隱！

《一頁台北》用普通話讀就會變成：一夜台北。一夜間可以發生很多事，小品愛情劇，故事略為平直，但拍攝及配樂加分不少。

《The Seaside Motel》，估不到的黑色幽默，驚喜位好多，多謝夏日電影節帶俾香港觀眾！

人係善變o既，鍾意一時一樣，我明呀！

It's FU__ING FINE!! 但如其係咁，倒不如一開波就say no，大家都好，咁樣玩o野只會令你自己更令人討厭....


掉那媽，今日有個friend 打o黎，話想join埋十月尾去旅行，我心諗: 正喎
跟住，send SMS問其餘兩位大帝朋友意向...好波

朋友K: 唔知呀，仲未知拎唔拎到假呀 (皇帝唔急太監急)
朋友S: 哦，但其實我都唔係太想去日本 (你老味，咁點解當日你又會讚成話去日本?!)


忍多你兩個幾日，仲係咁鬼樣我就唔Q再理你，離那晒譜

九寨，日本，九寨，日本，九寨，日本.....

越o黎越發覺返大陸旅行好貴...

香港去九寨，經深圳機場飛，機票已經要5k3，如果飛日本，坐爛鬼CX都只係4k4，呢個價仲要係KIX入NRT出，慳900蚊夠我o係日本住兩晚東橫Inn...
如果我只玩東北，東京出入，再平多400，即係又賺多晚住宿駛費

雖然o係大陸食住可以好平，一個人hea hea o地，食宿可以~200人仔就落到樓，但九寨溝每日入場費要近$300真係幾搶錢...

真係好難選擇!

My Rainy Days

香港譯做「出租天使」，真係好正，風馬牛不相及，日本原片名「天使之戀」，簡單直接；英文名「My Rainy Days」，貼題；點解香港宣傳人員可以諗呢個咁正o既名出o黎？
說到尾，都係一個愛情故事，男女主角表現中規中矩，但故事支節略為太多，如果刪掉一些支節，節奏快一些應該會更好。


當然最重要係故事主節動人，簡單的純愛永遠都好易討人歡喜，整體算是中上作品。
本片由朝日電視台製作，再望望本地電視台所拍o既電影，先放下演員質數，故事仍然缺乏技巧，加上令人討厭o既置入式廣告，觀眾自然會作出選擇。

Toy Story 3

終於weekend有時間可以睇早場，好想睇英文版，但居住地點附近好難搵，最近係IFC/Grand Elements同東薈城....而星期日有早場o既，只有IFC/東薈城，我選擇了IFC。

初初唔明點解有好多comment都話睇Toy Story 3要帶紙巾入場，最後我明白了，再諗返近一、兩個月發生發生o係我身上o既事，我都好想喊！

對朋友不離不棄，但倒頭來真的會"好人有好報"？我唔識答...


Pixar，you are the best...