再會貓毛

今年同貓毛同屋的日子比早兩年短，攪到我無乜心機幫我親戚執下間屋，求其換o左隔塵網同抹下隻窗算...



星期六就又去o左跑道尾影日落



東涌都幾好住，係熱o的同飲食選擇少，無茶記

Harry Potter

今晚終於肯睇，老實，故事唔算吸引，主角成熟o左，supporting act亦老o左好多，最尾兩隻點算?

乒乓球

自小童群益會年代之後已經再無玩乒乓球，今日去舊老細club house玩返，一樣咁好玩，確實係中國國悴之一。

玩o左大半個鐘已經好攰，但真係好好玩，不過我仲停留o係"滴滴仔"，哈哈！

然後去o左附近食肆勁食，超抵，每人$80...

貼下desktop

無聊無野做，貼下公司desktop

我是在公共屋村長大的

好好彩，我是在公共屋村長大的，香港集體回憶之一。

住舊式公屋o既一定會記得一到夏天，左鄰右理會打開大門扯風，o係冷巷吹水，柴米油鹽乜都借得，但當公屋越來越像私人樓宇之後，這些傳統慢慢失去...


美荷樓，唯一一座H型7層大廈，一級歷史建築，最近舉辦了創作比賽亦公開了俾公眾參觀...

熱辣辣

星期六，仲要死返工執半日手尾，放工無節目，碌入大美督曬o下。

先坐o架無冷氣o既巴士入大埔，o係市區o個段熱o的，但入到沙田o的風都幾舒服。

暑假期間o既大美督都幾熱鬧，好多人踩單車，上到船灣淡水湖主霸一陣陣南風吹埋o黎好舒服，沿住主霸行，本來諗住行到尾，但真係好熱，行到4/5我投降返轉頭。

返轉頭先大鑊，太陽正面射住，又無迎頭風降溫，只係得一個曬字...





曬完出返大埔中心第一件事就係食甜品，雖然已經六點半，唔理照食！

返到屋企第一件事就係沖涼。

努力努力

轉工轉工轉工。

好人難做?

剛剛收到朋友send o黎一堆相，靚到我嘩一聲，水同天都好清，估唔到橫瀾島風和日麗o既時候都好可愛(恕我不能公開，因有大量其他團友)，本來我都可以去，只是一個決定改變o左我。

最初有位朋友約我東涌午飯，我就一口應承，點知另一朋友又約我同一日去南區、橫瀾島遊船河，橫瀾島確實非常非常吸引，但我有約在先，唯有推o左佢。

幾日後朋友再問多次我有冇興趣去遊船河，真係無辦法一日跑兩場，唯有先到先得，再推；幾個鐘口朋友打來話唔好意思，飯局要取消，我即刻打去睇下有冇方法攝上船，當然全船滿座，企都無位企。


7月2日，一邊就甜蜜過西多士，另一邊就向橫瀾島出發，我就發呆食貓毛，夾住中間，進退不得。

我有什麼地方做錯？唔通先到先得有錯？「有異性無血性」有錯？「全船滿座」有錯？
最錯就係我，點解要做好人。

掌聲

除了機械式掌聲，你幾耐未心悅誠服地俾小小掌聲作為對朋友、親人、同事的小小鼓勵？

掌聲是免費的，請不要節約。

一個人的時候

當慢慢習慣一個人過生活，原來會討厭面對一班唔識o既人，討厭假期走去旺角銅鑼灣、商場，討厭熱鬧，更討厭孤獨。

安眠藥

病了，醫生開了隻藥幾好訓，隨時隨地都可以有睡意，有睡意的感冒藥才更像感冒藥。

走了

再見

結婚．離婚

630飲結婚酒，悶死同餓死，灣仔好彩真係唔得，食物服務九流，返到東涌要成一點...

71無上街，同朋友飲下午茶，知道佢同老婆離婚...