承諾，成真

一間銀行的宣傳口號，都可以應用於自己工作的公司裡面，一月聲稱有title轉，到今日(30/3/2008)都只係疑似有得轉...

承諾了的，永遠都唔會成真；
他們腦袋中只要結果，過程不是他們的工作範圍；
他們所在的決定永遠都是完美，你的意見永遠都是錯；
當投訴其他同事攪小圈子的時候，他們也攪緊小圈子；
唔識唔去問，問了又唔記得，唔記得又唔drop notes，drop notes後竟然可以話睇唔明；
樣樣都答"知道"，實際是"什麼都不知道"；


十幾個同事都攪唔掂，呢班人我好佩服！

天水圍的日與夜

許鞍華導演拍生活片真係質素保證，沒有強烈賣弄，強調簡單生活..

自己對天水圍有些親切感，一路睇戲中拍攝地點，一路於自己腦海勾起一些往事.

特別一提，今次用HD Cam同HD Projector播，無論contrast同detail都贏35mm film幾條街，好多細微位都好sharp，不過夜晚外景就好多noise..

一個好爸爸

今屆電影節其中一套首映電影係張艾嘉作品--一個好爸爸

古天樂、劉若英繼《生日快樂》後再度成為銀幕情侶，沒有深刻的相戀，反而一段濃厚o既夫妻感情更有新鮮感。

張艾嘉特別刻劃黑社會對每位家庭成員所帶來o既壓力，這一點她做得非常成功。

小男生的愛與性

師生戀都算一個寫到爛o既題材，連香港電台o既「性本善」節目都近年已經無再著墨，今次一反傳統，帶觀眾由另一個角度去窺探之餘，亦由另一個角度了解愛情。

釙毒疑案

先去維基百科了解什麼是釙:
http://zh.wikipedia.org/w/index.php?title=%E9%92%8B&variant=zh-tw

相信大家2006年尾都記得有一位前俄羅斯特工於英國中毒身亡，所中的就是釙這一種放射性物質。
如果只是皮膚或衣服接觸到釙，不會因而中毒，但如果吞進體內，情況就非常麻煩，因為alpha射線不能穿透皮膚，對內臟進成嚴重破壞。

亞歷山大·瓦爾傑洛維奇·利特維年科好似預知自己會被殺，生前交托好友(即導演)如果自己有任何不測，一定要將片段公開。片中大量交待俄羅斯前總統普京種種不是，車臣一些歷史問題之外，同時KGB、FSB如何運作亦於片中略為介紹。

究竟是誰謀殺利特維年科仍然是一個謎，於播映後與監製討論環節特別提到俄羅斯政府新管理層採取更嚴謹監察人民制度，所有通訊都會被截取，香港始終都是最好(人民生活自由度來說)。

今次於電影節播放，由英國駐港領使館贊助，其實都幾黑色的。

儘管如此我沒做過

今年電影節自己第一套睇o既係日本片「儘管如此我沒做過」
「電車」、「痴漢」呢兩個名字對年青人應該好熟悉，相信每本日本旅遊書都會警告讀者繁忙時間同尾班車前千祈唔好搭JR/地鐵，真係迫到你唔信，亦因而產生大量風化案。今次周防正行除o左帶出日本社會道德價值外，更諷刺現有司法制度的黑暗面。

早前「疑似相片」風波帶出一句口號--「法律面前，窮人_ _」

認罪可以息事寧人，相反當你否認控罪，除了時間、金錢外，需要承受o既心理壓力亦唔係每一個人可以承擔。

最清楚有沒有造過的，唔係法官、律師、家人，係事主自己...



o係圓方睇完，依舊迫電車返屋企...

西藏

今年年中打算去西藏旅行，但而家局勢咁緊張，有點點擔心..

鼎鼎鼎

星期六試o左鼎泰豐新港新分店，無論食物同服務質素都好得！(點解當年黃埔做得咁死o既?)

小籠包層皮做得好好，鎖到肉汁之餘亦唔會太厚。

但記得要人齊先可以入座！

忙到甩碌

成個禮拜都好忙，日日都散晒，隔o黎部門就嘈到拆天 -_-