秋天去了那裡?

明天就是零六年十二月，香港的秋天去了那裡?

早幾天去了nature.org捐款，自己的工作真係好浪費紙張，為了彌補對環境所帶來影響，我決定每四個月就選擇一個環保團體捐款，第一次，我選擇了nature.org

認識nature.org，o係由一個巴士車身廣告認識，Saving the last great places on the earth，再加一幅風景相，就係咁簡單。



香港講分類回收講o左好耐，但市民仍然未能建立垃圾分類o既思想，係唔係要等到堆填區滿晒先會醒覺？
溫室效應亦都講o左好十幾年，但點解仲有人漠不關心，要等到南北極o的冰消失先識驚？
到時，會唔會已經太遲？

抽新股

年尾居然仲有一大堆新股招股，今日恆指高位回吐，唔通終於結束升浪?

唔知大家點睇抽新股，有o的人覺得實會贏錢，又有o的覺得碰碰運氣，一試無妨，但抽新股跌破招股價風險一點也不輕，記住做每項投資前要做足功課，要當投資係自己生意，咁先有機會獲利。

單車團

2006入秋(哇，十一月尾仲係無涼意！)後第一次單車團，初初諗住天陰陰，點知出猛太陽，好彩我準備充足 。 :p

其實都幾舒服，一個鐘由大埔就入到大美督，單車團團員(即係我同事)原來都幾踩得，不過唔知佢o地聽日對腳會唔會酸酸軟軟，嘿嘿！

今日黃昏好靚，雖然得部手機，但都照影，香港藍天更覺珍貴。


踩完車就去食大埔東江雞，正，水準比預期中高，價錢幾平，6個人都唔駛五百蚊；玩，當然要盡慶，去埋彩虹甜品(甜品又係兩round!)，好滿足。 :)

休息日

星期六同朋友行城門水塘，天氣唔係咁好，過了鉛礦坳後變得大霧，好彩都係沿車路行，無乜驚險。

郊遊的話唔錯，但影相的話就麻麻了。

下次再同你行過。


今晚，這一個決定，我也有點想哭的感覺，對不起。

無事出街少破財

FinePix 6500fd



Macro真係好勁，1cm對焦，強！

失卡

唔見o左張相機CF卡，好彩無乜重要相唔見。

但又勾起自己舊年澳洲之旅尾程唔見相機事件，o個次損失大好多，先唔計較相機金錢價值，CF卡裡有好多當日影o既相，到而家我都有點心痛，點解自己會咁唔小心。

我經常講"錢解決到o既就唔係問題"，無錯，但好多問題唔係錢可以解決到。

下大雨

香港十一月仲可以落大雨，都算奇聞，而且今日我仲著緊短袖衫。

全球氣候逆轉，無人可以獨善其身，亦唔係遙遠o既事。

A380

全球載客量最大o既飛機-空中巴士A380今日到香港，好彩我係"五天工作週 "，當然唔會錯過今次機會入機場影相。

今日都有百幾人入o左HAECO附近影佢，唔知今晚有冇人o係沙螺灣等通宵等佢聽朝0700走呢？


不過今日煙霞真係好大，影完要夾硬tune先見得人。

給你們的一封信

所謂同學朋友,

好耐無見！
唔駛掛住我，只需要記得我戒o左酒，轉嘆咖啡；我亦都再無錢供咩基金、儲蓄保險(已經月供股票)；我好唔鍾意朋友做"飛機師"呢個職業，我寧願你一早推我；最後，我好憎做賊，我係一個好人(所以我有一堆好人卡，邊個要o的)，我一句"Happy Friday"都串返我，強！

唔需要用無來電顯示o既電話打o黎或者send個SMS o黎問候我，大家都唔駛扮熟，多謝你o地o既關心，心領o勒。


祝 安好！

心動

又見到澳洲機票減價，腦海不斷浮現澳洲的藍天，翠綠的的草地，遊閒的生活節奏。

如果出年真係有假期再去澳洲，好希望能夠到Alice Spring遊覽，感受一下澳洲土著o既生活。

Tea Buffet

星期六送別天星之前，去o左Marriott同同事食Tea Buffet，兩個鐘o既buffet索價近$200，都幾貴o下！

魚生、熱食一般，係甜品較為吸引，好耐未食過檸檬撻，一次過食o左兩件，正！

天星

香港特區政府眾所周知，歷史意識係零，舊建築唔拆唔安樂。

中環天星最後一夜，堆滿了市民拍照留念，或者，在政府眼中，利益比"活歷史"來得重要。

酒肉朋友—再見

請記住，我已經戒o左酒，去老蘭飲o野真係唔好預我，生日都係咁話，戒o左就真係戒o左！

小黑跳樓

星期四晚好攰，o係床上網，當我準備拎部機落床，隻手一跣，部小黑同部Treo一齊跌落地，張床都成五呎高，好彩X60無表面傷痕，仲要無hang機，Treo就花o左o的，好險好險！


見報?想知我個衰樣可以睇下某本星期五出版o既電腦雜誌。

莫生氣

今日見到一架小巴o既椅背貼滿"忍"、"莫生氣" 呢o的白底黑紙紅邊o既poster，我睇o黎都要搵幾張貼o係公司個位同屋企床頭。

我唔介意做o野行多步，所謂Extra mile，但有時都唔好咁過份，一次半次無所謂，但唔好以為老馮就當晒係我做，我抵得諗之餘都有條底線！

睡眠負債

呢輪可能真係負債沉重，一放工上到巴士唔駛半分鐘就瞓得著，車程大約半粒鐘都唔放過，一於少理。

不過坐小巴就一定唔會瞓，班小巴司機實在係神人級，佢o地揸得真係幾恐怖o下...

被Google寵壞了

今日去朋友的Blog留言，她是用Yahoo MyBlog，短短幾十字攪足我半粒鐘，都算好野！

Blog裡有粒icon:"新增回應"，我lcick落去，要我login，okay。
Login完，咦都係無得俾我reply o既?

仲有粒"引用網誌"o既icon，click落去，跳o左一大堆文字，什麼私隱、香港伺服器buh buh..
覺得唔對路，再睇多次有冇hidden link，亂click一陣，都係死死氣click"引用網誌"

一個下意識動作--"是"，然後又問了我的姓名、出生月分(Huh!我已經login了Yahoo，點解仲要填?!)，終於...我見到我想要的回應方格！



我的生活已被Google寵壞，最近連私人E-mail都轉用了Gmail server，因為太喜愛他的直接操作介面，Google search engine更加係開工必備工具..
呢到，Blogger亦好用，但有時唔係咁stable，同埋個Editor真係唔o岩心水，formatting好亂，加埋相更加亂。

如果有一日，Goolge向大家說再見，你會點算?

晚飯

中環新景記魚蛋，正！
好彈牙，香港仔山 _ _ 完全唔得

最正辣椒油，又香又辣 ;p











McCafe，呆坐，呆飲...

不解

點解返屋企食餐飯都要嘈？點解唔可以靜靜o地食餐飯？

係唔係家無寧日先安樂？