Angela Aki - Tegami

New milestone

Yes, my new phone...
From iPhone to Motorola Milestone

放假發洩系列--我看印度IT man

今年新加坡總部IT team換晒做印度人咁滯，絕對係發惡夢

1. 急就章 - 由Symantec Endpoint轉Sophos Endpoint，要求local country IT兩日內轉晒所有desktop + server (~40pcs)
Evaluate? WFC，我新加坡個envoriment ok就ok，你o地個enviroment係你o地o既事，邊駛試，o拿o拿聲deploy落live environment啦!

2. Infrastructure一團糟 - 各country o係regional IT team領導下，一o的就IP-VPN connect，又一o的就用MPLS，各國間無domain trusting，DNS當然各自為政。但最大問題係好多app都o係SIN o個邊，respond time慢，cross domain logon更加想死。

3. 口講就算 - 由買office license到一o的critical decision，都係一輪咀同你講，但口講完又唔認數，扮失憶。一係就扮有同你講o左，反屈你失憶。

4. 溝通困難 - 佢o地o的英文，出email就好似玩重組句子，永遠都係無標點符號；講電話仲想死，隨o左第一句hello同最尾句bye，中間o既好似亂鎗掃射咁不停講講講。初初以為我英文屎，原來我老老頂都係聽到一舊雲...


2010，惡夢未完

楊丞琳 - 曖昧

只能陪你到這裡 畢竟有些事不可以
超過了友情 還不到愛情
遠方就要下雨的風景

The one, and the only one

世上有很多東西是獨一無二，由你的文字、相片，到你自己。

感謝Hypo，帶來的不只是一流的印刷和釘裝技術質素，更重要的是一個近乎完美的客戶體驗旅程。
市面上有一些收費略為相宜，印刷質素可能頗相似的印刷商，但我仍選擇Hypo，因為他們真是用一顆心讓你獨一無二的photobook更完美。

當世上只有你手上的一本photobook，自然會對印刷服務有所要求。



如果未來有機會去台北旅遊，未知可否參觀一下Hypo的辦公室，大家聊聊天呢!(但我的國語很爛，爛得很...) :)

說話

穿起一件華麗晚裝，再用上萬千種化裝品，雖然外表漂亮，但有否留意你的說話、用語有沒有理會過對方的感受？ 對人不對事，這行為真的要不得，即使怎樣裝扮，好抱歉，你的一句說話實在太過份...

好久不見

有一個半月無寫過blog，忙著攪旅行，忙著去旅行...由新疆變成西藏(係！我又去西藏！)，人生總是很多意料之外。

旅程的終結，是另一個開始

去到旅程的第九日，終於要離開拉薩。

和上一次離開拉薩的心情一樣，期待好快好快能夠再回來。

在拉薩的最後一夜

o係風轉cafe，真係識講o野就有話題，成個氣氛係好soft、好relax，基本上我晚晚都會去hea，同薯伯伯或者其他客人吹吹水。

第二日訓到成十一點先起身，碌出去雪域餐廳食個brunch，再o係八廓街買點東西，然後返去酒店等開晚飯。因為之前我受人所託，強烈要求擒日返到酒店後情商酒店隱藏大廚煮晚飯，我當然「死命必達」能夠請到佢親自下廚。

等到佢o地回來後就一齊吃晚飯，有羅白清湯牛腩，麻婆豆腐，紅燒排骨，炒通菜，味道非常好！

飯後同其他住客一齊食大西瓜，高原西瓜真係好甜好甜！


食飽大西瓜，一行四個人就再打的去風轉cafe hea飽佢，不停吹水同影相，真係好舒服！




hea到大約半夜12點就走了，因為第二日早機離開拉薩...

在高原上飛車

由珠峰回日喀則，開車要大約六個小時，我們大約晚上六點才回程，本來打算去拉孜過一晚夜，但師傅大哥就提議今晚辛苦小小，一直開車回日喀則，因為拉孜只得一間酒店，貴得很！

但點都要食飯，因為身體o既糖份用得八八九九，我個頭赤赤痛，一入到飯館即刻隊o左罐百事可樂。今次旅程我已經數唔到飲o左幾多罐可樂，幾多支甜到死o既冰紅茶，同食o左幾多粒Panadol...

食飽飯，個身暖o左好多，亦開始我們四小時黑夜飛車旅程！



中途師傅大哥除o左播o下歌仔外，竟然播一套好舊o既港產片-《開心鬼》，o係四周黑麻麻環境下睇呢套o野真係幾好feel。

飛到中途，竟然落起大雨，路更難行，幸好呢段公路唔係山邊，亦鋪得幾靚，司機大哥亦開慢一點，有驚無險，凌晨一點回到日喀則。o係日喀則搵o左幾間酒店都無位，終於o係日喀則郵政酒店有標間，殺你！

回酒店房第一時間睇下部notebook著唔著到，ok...入到windows，拿拿臨過相叉電話訓覺。


第二朝九點半去酒店隔離食早餐，因為我要坐班車，都唔敢食得太飽，然後司機大哥就帶我坐日喀則<->拉薩班車...班車有私家車同中Van，私家車坐四個，中Van坐十四個，都係坐滿先開車，所以我等o左一粒鐘先坐滿我架中Van。

架中Van係Ford Transit，坐o左十四個人加N件行李，大部份都係藏民，佢o地都好友善(因為平.，RMB$60就去到拉薩)，而我件行李好唔好彩擺最底，我都有o的驚我部notebook頂唔順，因為沿路拋到飛起，又俾六、七箱o野壓住。足足拋o左四個鐘，最後人、機安全返回拉薩，ThinkPad果然係強！

返到吉雪，即刻叫o左碗蛋麵，肚餓o既時候特別好食，又去o左附近郵政局寄多一批postcard，然後就沖涼小休一陣，再去風轉hea...

在珠峰..Finally

日喀則真係無o野好食，晚餐都係搵Dicos解決，其實佢o的雞好食過KFC...
晚上日喀則刮起大風，下了一點雨，天氣亦涼了不少。


6月25日，天陰。

大約八時半就開車出發，早上天陰陰，一路去到定日附近先漸轉天晴。

去到定日，先要放下買路錢，門票: 180，車票: 400。在大陸旅遊，門票總係無方法逃！

吃午飯的時候遇到另外三位香港人，剛剛由珠峰回來，他們說能夠看到珠峰頂，我們自然有所期待。
但他們說食飯的時候感覺到地下震動，初初我們都不以為意，飯後我們終於知道點解。




珠峰和鄰國尼泊爾接壤，前往珠峰需要在關卡登記兩次，其中一次在前往珠峰與樟木口岸的公路，另一個就在珠峰大本營。
香港人只需回鄉卡就可以通過，但大陸人就需要邊防證。

離開往樟木口岸的公路，接連珠峰路，一百公里長的土路，我們乘坐四驅車都已經拋下拋下，真係唔能夠想像坐旅遊巴跑呢段大爛路可以會點。

越過高山，誇越河谷，再行上山，經過絨布寺，坐了近8小時車程，終於到達了珠峰大本營。
到達的時候下了一點點雨，雲霧亦將珠峰頂遮蔽起來，我們唯有先在聲稱是全球最高的郵政局寄出了中國國內最昂貴的明信片。因為天氣冷，又下雨，再加上高山反應，硬著頭皮半冒雨半摸黑地寫了七個地址，完全想不到任何其他說話寫在明信片內，只想盡快寫完。寫完後感覺完全是一個解脫，從來沒試過在這樣困難的環境下執筆，亦感受到中國山區兒童讀書的辛苦。

寄完postcard，就再坐所謂環保車(位位$25)上真正登山隊大本營，這裡又要登記証件。
然後就可以爬上小山丘與珠峰作近距離接觸，雖然我們到達時天氣不佳，都嘗試登上小山丘感受一下。由山丘下來，四個人找了一片空地拍大合照，在珠峰前當然要做一些特別動作：跳起！我們足足跳了五次，每次都喘足半分鐘先可以再跳，幸好拍出來的效果真的不錯。




回到遊客大本營然後驅車離開，在離開的路上司機大哥忽然停車，原來珠峰頂上的雲霧吹散了，我們即刻下車謀殺記憶卡，十分鐘後，雲霧又再次將珠峰遮蔽了。




離開珠峰，返回日喀則，又是同一條爛路，車子去到定日加油，落車舒展一下的時候還感覺patpat在震動...

去珠峰?

今次去西藏，有諗過應該夠時間去埋珠峰，不過自己心態係隨緣，好視乎當時高原反應唔大又夾唔夾到時間、人數一齊包車。

o係拉薩第三日，知道賓館入面有另外三位港客會包車去珠峰，我就心思思想join，但仲有o的頭痛痛，諗住睇多一日先決定去定唔去。

第四日我仲有o的頭痛，但感覺自己呼吸順暢，又食得、訓得、玩得，就決定跟呢三位港客併車去珠峰。

佢o地原本旅程係四日珠峰+納木措，但我就唔跟遊納木措，想早一日回拉薩休息..

23/6早上八點半，四個人向珠峰出發！

在拉薩呆的日子

拉薩日長夜短，其實好o岩去玩，亦好適合去hea...

朝早十、十一點起身，上o下網，然後出街食過午飯，行下橫街，去下景點(色拉寺再次有辯經，星期一至六三點開始，但做show味濃)，行到四五點返去賓館休息、小休一下，hea到八九點先食晚飯(其實呢個時間先慢慢天黑)。

我每晚在拉薩都會去風轉cafe飲o野/食飯/玩/hea，基本上你肯出聲講o野，就會同Pazu/其他顧客有傾不完o既話題，俾你忘記高反、忘記工作上o既辛勞...

Wish List...

Wish List: Shinjang, Nepal, Jiuzhaigou Valley, Tibet...

火熱的拉薩

從新聞就知道今年拉薩地區天氣有點反常，雨水小、氣溫高，所以行李都是以短袖衣服為主，但萬料不到真的咁火熱。
一落飛機，除o左有o的頭暈(高反+暈機浪) ，就係有o的微雨，我仲以為帶錯衫，點知第二日就知我錯了。

半夜醒幾次，頭痛o既感覺非筆墨所能形容，但中午食o左碗粥同西瓜(高原西瓜正！)之後精神好多好多，可以去八廓街行下，感受一下高原高溫。
八廓街好火熱，無論實際溫度定皮膚感覺，還是遊客熱鬧程度都是！

由於氣溫高，加上紫外線強，大小街道裡好多人都玩潑水消暑，遊客當然就係最大受害者，我自己就濕o左三次，好彩相機無事。

再會西藏

沒想到一年後能再會西藏，雖然只得九天時間，但亦然非常珍惜這次旅行。
始終，難忘這裡的藍天、山水和人物。

一個人在旅途，一個人靜靜地反思，一個人無憂無慮在四處闖。

Love Flying?

現代人根本無可能逃避飛行，雖然現代飛行已經非常安全，但耐唔耐總會聽到o的驚險意外，有驚無險，但今次法航就非常不幸...

飛機型號同航空公司安全紀錄都非常優異，但意外就是意外。

Are you love flying?

8 9 6 4

20年前，你出世了有沒有?

20年後，回望20年前的今天，你還有激情嗎?


期待平反的一天。

忽然新加坡

無啦啦要飛過去新加坡上training，噓！

四日三夜，日日都早過平日返工起身，講真，好累呢！

因為每日日間都忙於training，只可以o係夜間抽點時間望下景點，當然亦會坐當地公共交通工具，體驗一下當地的「通勤生活」。


放心，新加坡街道依然潔淨企理，連交通工具上都係。但講到不得不投訴佢o既的士載客方法，完全不行；而Wireless@SG呢個所謂free wifi service亦都非常笑話！

Ya! Bengawan Solo o既蛋糕依然好味，好正！

Pic: http://hk235m.net/gallery/main.php?g2_itemId=57036

頭痛

公司突然要求清假，六月底前要放五日半假，完全措手不及，一來要安排工作分配，二來要為旅行目的地打算...

北京？青島？冰島？還是再踏足西藏？頭痛！


正頭痛去那裡的時候，忽然被公司要求去新加坡上workshop，媽的，是不是嫌我的煩惱不夠多？

熱辣辣的新加坡，我來也。

我不懂

有些時候，我也攪不清為何有些人總是喜愛將工時、工作量與薪水、地位掛勾。

為何要兩個人做一天才能完成的工作，現在只得一個人做，限時也是一天，一路衝著趕工，完成了有些人會沾沾自喜，但會不會想一想其實是工作分配管理上出了問題？

有些人說，這是Extra Miles的表現...
Extra Miles背後含意真的如此？定還是應該讓員工們提升工作技能、配合合適工具，從容不迫地完成工作。

我贊成適當壓力可以推動員工，但當每一件工作都是在龐大壓力下完成，出來的質量我個人有好大疑問...


準時下班是等同犯了殺人罪嗎？
我的答案是，強迫員工加班到天荒地老的所謂管理層才是殺人犯！

搭華航前，停一停，讀一讀

係上天要作弄華航，定華航本身問題處處?

搭華航前，停一停，讀一讀這位看不過眼的華航前機長的blog
http://blog.sina.com.tw/buster/

Have a happy flight

愚人節放假，有朋友想睇Happy Flight笑下，日場又做promote位位$30，涼下冷氣都抵。

笑位集中o係頭半部，當中有o的笑位o係現實裡真係發生過，而劇情大家都會估到o既...
不過ANA真係唔話得，借隻真機cabin俾你拍，由cabin玩到去terminal，甚至連世界首次空中首映都玩埋，佢都算落足本！

ANA呢套新制服，我都幾prefer藍色，個人望落真係醒神o的!

Have a happy flight~

天水圍的夜與霧

不得不佩服許鞍華，人性描繪係佢o既拿手好戲，一個天水圍，拍兩次，兩次都有一個新感受。


2004年4月一宗嚴重家庭慘劇，將天水圍所面對的問題活生生擺在大家面前，應該說天水圍社區將香港面對新移民、綜緩、家庭暴力問題放大及嚴重化。

睇完之後感覺好深，最離譜係其中一幕男事主致電999報案後，天水圍警署竟然再致電事主確認才派員上門救援。(現實情況真的會再確認事主需要才派員救援)

究竟係社會太冷漠，還是我們太自私?


男女主角，任達華和張靜初演出得非常好，完全入型入格；亦有許多新舊面孔，完全面目一新...

Food, Inc

HKIFF 其中一套documentary係 Food, Inc

都係時候，重新思考每日擺入口o既食物，點樣種植、飼養，然後加工，到最後o既零售層面。
作為消費者，你有權選擇，更有權要求政府於食物安全上做更多。


豆漿: 只選擇非基因改造大豆產品，即係唔飲百 _
蔬菜: 市場上有大量有機蔬菜選擇
肉類: 呢樣就無乜辦法，唯有盡量少食香腸、漢堡扒呢o的工業食品
魚類: 我少食魚，唔怕！
飲品: 真係少飲o左可樂

減少出街食其實都係一個好選擇。

《禮儀師之奏嗚曲》

有點諷刺，香港醫院或公眾殮房於07至08年間接連發生一連串事故，由領錯遺體到遺失遺體都有，恰逢該套電影上畫，加上奪得奧斯上最佳外語片獎項，自然變成話題作。

人生裡的最後一次儀式，由棺木到配葬品，自己統統沒有決定權，在世的人為他劃上句號的時候，確實百般滋味在心頭。
整部戲拍得好淡然，出色的配樂令到觀眾忘了這部戲片長兩小時，從新思考人生的意義。

「離開，是為了回來。」


亦寄語殯儀業及殮房工作者，對去世的人多一點尊重吧！

原來你也唱過我的歌

如果，梁靜茹真係出一張廣東大碟，應該會係一件賞心樂事。
係香港樂迷要求太高，還是香港歌手唱歌水平太低？

自己失蹤

煲開日劇Love Shuffle有感，如果自己失蹤幾個月，甚至幾年，究竟仲會唔會有人記得自己o既存在?

望住公司檯頭個calendar

再望下公司手頭上堆task list + deadline，真係好想去多次西藏，起碼hea兩個月先走...

西藏感到我o既唔單止風景，仲有人和事，離天國最近o既地方係可以好簡單咁生活，所謂亞洲國際大都會有時感覺只係一個虛名，o係香港生活，只係數字上富有，精神上o既健康絕對唔夠西藏人富有...

供定唔供？

三月二日匯控公佈完業績，要求股東供股集資後，相信有成千上萬股民唔知點算...

自己手上持有大約三百五十股匯控，其實好難決澤，畢竟我當作匯控係一個長期投資，但觀乎佢業績報告及發展方向，感覺上管理層都沒有新方向，令到我對會否作第二次供股抱有疑惑...

相信我仍然會作供股，但會從我月供股票名單上抽起，只會於派息期前略略用月供方法買少少碎股，盡量保持股權。不再月供匯控後，剩餘出來的金額可能改為加注落中人壽，或者儲起來再購入一些交通銀行。

2009 Wish List!

2009年踏入第3個月，而家先寫Wish List...(仲要因為洗完頭等頭髮乾，無聊寫下)

金融海嘯控制支出下都要有原動力搵錢o既，排名不分先後

1. Contessa Chair
講o左幾年，日本紙家陣超過8算，我都唔知點算

2. 去北疆
大家用"禾木"、"五彩城"呢o的keywords search下，靚到哇一聲o架

3. 24" LCD Monitor
Go HD!

4. 42" Plasma TV
Go HD..For family!

5. ThinkPad X200s/X301
服役了3年的X60，陪伴著我踏上西藏高原、走進新西蘭漂亮城市，都係時候轉換一下你的用途了...


暫時係咁多先! :)

旅行，留念

近一兩年心態變了，影相，最重要都係o個一刻o既喜悅，有靚相出到，我會當bonus...
特別係旅行影相，用雙眼享受晒呢個地方先慢慢影，而唔係全程望住個VF/LCD影呀影，這樣有點失去旅行的意義...

是你帶你的拍攝工具去旅行，不是由你的拍攝工具中的觀景器帶你去旅行。

「唔識教就唔好生」

今日坐巴士對呢句說話非常有同感，坐對面大大聲咁玩都算，佢對腳踢到我都忍，但跳落到一腳踩埋o黎就忍無可忍，鬧鬼完就扮唔知衝落車，一句道歉說話都無，真係好好o野！

Wow!

WoW! 原來有成個月無寫過blog，今晚訓唔著(半支紅酒，一杯咖啡，一杯綠茶，Mix埋一齊)，做過status update...

1. 由Moto Q9h轉o左用iPhone；
2. 仍然運滯，過年前搭巴士整襯，今日就o係老麥打爛支紅酒；
3. 痴家o左；
4. 聖誕前買o左Panasonic LX 3；
5. 無眼睇匯豐股價；
6. 胸口有時有o的痛；
7. 公司未炒人，仲有雙糧出，有時仲幾忙添；
8. 屋企人暗戰仍然進行中；
9. 女聲、JPop仍然係我的最愛；
10. 去o左牛頭角下村影o左好多相，懷念兒時住屋村的日子。


祝大家牛年身體健康，萬事如意！

嫌疑犯X的獻身

大家入場時唔好抱太多日劇想法入去，其實我覺得香港翻譯電影名有點點誤導，不過可能想食住日劇氣勢啦！

電影版其實有近8-9成跟住原著去拍，變o左無咁多物理論證、實驗，多了一份推理味道。