Palm and Me

Palm終於在好壞參半的聲音下，收歸HP門下(Surprise!!)，Palm的傳奇故事終於落幕。

Palm對我來說意義重大，帶給我的東西很多很多，包括我的初戀...
沒有facebook、、HSPA、WiFi的年代，除了寫紙仔交換電話外，最"現代"的方法就是倆個人在空間中用PDA的紅外線交換電話資料(當時的術語是"互beam")，回家後拼命hotsync 、備份，那怕電話簿會忽然人間蒸發，少了一位朋友。

今日，當HSPA、WiFi隨手可得，facebook name、cloud PIM一地都是的時候，好像失去了一份珍惜的意義。

十年時間，一間公司轉換了舵手，人與人的關係也變得複雜，有時候顯得疏離，科技真的是雙刀刃。


Palm，好走！

霧面保護貼

終於貼了essential tpe的霧面保護貼(會不會香港第一個用家? :p)，今次搵了其他商店幫手貼，但MBP真的很難貼，即使是老手也花了近十五分鐘才安裝成功。

從此，我的MBP不再反光了，但始終是保護貼，不是原生霧面LCD，始終會有輕微影響影象質素，但我實在不能忍受強烈的反光顯示屏，算是少少trade-off.



Apple: 請把霧面LCD納入MacBook Pro 13"吧！

為何我討厭鏡面LCD monitor

我真係好憎個monitor反光，對眼好容易疲勞的，而MacBook Pro個LCD monitor特別反光...



我等緊essential tpe AG(Anti-Glare)到港，第一時間我就貼上去！


又借機會吐下苦水，Apple剛剛refresh了MacBook Pro lineup，13"仍然沒有Matte screen options，真係俾佢吹脹！

不吐不快 - 手信

想了很久，但屈在心裡實在太郁悶了，都是不吐不快！


外遊的時候買了一件手信打算送給朋友，是一件很容易打破的東西(說不上漂亮、獨特，但相信我的朋友收到後應該滿意的)，小心翼翼地運回香港後打算約一個時間"交收"，卻換來一句"你寄黎?!"

明信片我當然會寄，但禮物，我還是喜歡親手送給對方...收到這個回應，很失落，有一刻想將這份禮物捐了就算...



我只想憑著這一份小禮物慢慢修補一段脆弱友誼，原來比想象中難...「友誼永固」在現實生活中，太難，緣來，緣去了...！

非誠勿擾

o係成都睇o左1/4就斷尾，返到香港再斷斷續續睇完，一套幾多黑色笑位o既愛情片。(我幾接受唔到馮大導自己聲稱呢套作品係喜劇，所以我用"幾多黑色笑位o既愛情片"o黎形容)

葛優，不喝酒這一段，盡顯功力，而舒淇越睇越有女人味...如果係一個sad ending，我會俾更加高o既分數！



北海道風光真係靚到不得了，釧路、富良野，杭州也很漂亮....忽然勾起我想去旅行o既欲望！不過呢套戲，o的廣告鏡頭拍得住TVB o的爛劇，吹脹！

「從那裡開始，就在那裡結束。」

"高清"在線播放:
http://tv.sohu.com/20090125/n261947085.shtml

Postcard，也自己動手做！

三月中的時候敗了一部小小的相片打印機 - Canon Selphy CP780，它使用熱昇華技術，機身可以小巧一些，也沒有"塞墨頭"的煩惱。(我幅相無影到個paper tray)



打印質素出色，可以支援多種記憶卡直接打印(但我建議都係經電腦出，因為可以tune一tune)，唯缺點是要使用專用色帶和相紙。而Canon的相紙，其中一款是4R Postcard size，今次去成都也帶了這部打印機上路，測試一下相紙抗污性和紙張硬度。

經過12日時間，今日postcard到手了，紙張硬度尚可，相片表面保護層表現也不錯。






從此，postcard也可以自己動手做，自己挑選旅途上喜愛的相片作postcard了！


* 打印成本，一張postcard約$1.8，可能較買一張postcard更平！

也談談內地機票/航班

返內地旅遊，多數都會選擇由深圳/廣州上機，因為比較香港上機，大部份時間機票價錢便宜接近一半，燃油附加費和機場建設費也只是$90一程，十分抵玩！



買機票

如果你有內地主要銀行戶口，兼開通了網上銀行，基本上去航空公司主網頁購票問題不大，最重要留意填姓名的時候填英文名稱(例如CHAN TAI MAN，請填CHAN/TAIMAN)，證件號碼當然係回鄉卡(又名開心卡)的號碼，付款成功就可以即時出票，唯請緊記填寫電郵地址或內地手提電話號碼。

部份航空公司容許出票時預留座位，稍後再談座位問題。

如果沒有內地銀行戶口，唯有去ctrip、芒果網訂票，唯一好處係接受境外信用卡，但要付3%手續費。

機票價格

海鮮！越早購票未必最便宜，遲購也有機會撿便宜票！
有時候航空公司特價機票價格大約45天前才更新，早於45天前購票大部份是全價票，當然有時候你一定要機票在手才安心，唯有先購一張全價票，確保自己有機位，然後慢慢觀察價格趨勢，到達心目中價位就可以再買一張特價票，購票成功後再將全價票退回，請緊記退回全價票需要收10%手續費。

深圳機場接駁交通

羅湖、皇崗、深圳灣口岸皆有機場巴士前往深圳機場，唯因為係固定班次，請預留時間候車。
深圳紅色的士也可前往深圳機場，皇崗/福田口岸出發，車費約$120(連公路費)，行車時間約需半小時。

Check-in + Security check

內地航線，30分鐘前到達check-in counter就當你贏，如果遲到少少(就好似我上次去成都咁)，佢o地會有個"晚到旅客"counter，20分鐘前埋到counter都俾你check-in o既...
同胞們於check-in同security check算幾守規舉，插隊唔算多。但如果你要飛去敏感城市，或者由敏感城市離開，記得要預鬆少少，security check會幾花時間。

網上預辦登機

我試過國航(Air China)係唔受回鄉卡持有人玩，做唔到online check-in。朋友試過飛深航，就玩到online check-in。無他o既，唔想o係機場排長龍check-in，亦想mark到exit row seat！

碳補償

暫時未見內地航空公司有一個公開的碳補償計劃，我的作法是去國泰主網捐款作碳補償。

Frequent Flyer points

如果你乘坐國航或東航，大部份折扣票都可以累積Asia Miles(除非o的1、2折機票)，可以於check-in o個時拎埋張卡俾佢入，或者返到香港先claim missing miles。

如選擇後者，claim missing miles o個時除了要boarding pass外，亦要你e-ticket itinerary。

Everything inflight

航食基本上都無乜好要求，不過最近發覺國航連水果都cut埋，唉！
除非你咁好彩坐到wide-body，仲要係新一批wide-body，有PTV俾你玩，否則請自行準備雜誌、小說、充滿電的mp3、notebook等等，因為國內航線有一樣係非常出名--延誤！你手上的東西就是唯一的空中娛樂。

唯一可以安慰的是，座位間距合理(起碼比國泰來得合理！)，整體舒適度不錯，cabin crew亦表現專業。






準時、安全、機齡

無辦法，內地空域軍方有絕對主導權，加上大陸仍然以narrow-body飛機為主力，航道更見擠擁，準時性好難一時三刻有顯著改善。

但要留意航班時間有沒有忽然改動，曾經試過將兩班機乘客集合埋一起，安排大型飛機接載；剛剛由成都返深圳，就沒有預早通知下提前超過半小時起飛，幸好我當時早到達機場。所以購票時最好提供電郵地址或內地手提電話號碼，方便航空公司聯絡。

早十幾年，內地航空安全確實血跡斑斑，唯已有顯著改善，老飛機逐步退役(唯仍然有一定數量B737-300, B757, MD90)，機場導航設備更新，整體飛行安全不錯，甚至剛剛乘搭到一架首飛不足三個月的A321。



在內地，自己覺得最驚險的一次，係由成都飛拉薩，降落的時候很大風，誇了一座山，在河谷中降落，整個降落過程好像俾風推落地。

其餘的內地飛行，感覺還好！

1680







祝大家飛行愉快！ :)

讀後感: 《和空姐同居的日子》(上、下)

上集全套:
http://html.hjsm.tom.com/html/new_book/15/100/content.htm
(入面o的link有少少指錯次序)

下集半套:
http://vip.book.sina.com.cn/book/index_86327.html
有興趣可以上網付費睇，或者買實體書。






部書名確實有o的"毒"，但內容係好感動！
最難得係某些生活細節寫得如此真實，令到讀者好容易產生共嗚，即使人物線唔算複雜，亦因為唔複雜，作者更加容易控制，讀者亦容易追。

最感動的是上集最後冉靜寫給陸飛的一封信，看完眼睛也會濕濕的。


四年前看完，網上有時會傳出續版，但文筆實在相距甚遠，令人半信半疑，今年三月無意間見到一套電視劇《和空姐一起的日子》播放，再於網絡上東挖西找，原來原作者真的有出了下集。


下集多了樂樂這位女配角的描寫，由陸飛的第一身角度外，亦加插了冉靜的角度，令到讀者更明白冉靜的所思所想。而作者於文中亦貼近了一些大陸網民的風趣，下集總算有一個開心的結局交給讀者。


現實生活一段純愛愛情來得不易，慢戀愛更加接近絕種，看完這個小說後會唔會有些得著?