^_^

Farewell party後，兩件小禮物都到o左同事手中，祝佢新工作愉快。

不過老實講，farewell party真係唔想攪，唉！

Who's the next?

聖誕long weekend四日假，講下我做過乜..

23/12--晨早返公司換HDD，下午搬機，夜晚一班單身男上o左屯門一間屋到搗亂。

24/12--平安夜，竟然自己部機壞o左Master Boot Record，左攪右攪，都總好過出街迫，晚飯後盡煲日劇。

25/12--出尖沙咀買少少野，然後入o左元朗gathering，最正係玩True or Dare，第一次玩得咁成功咁正，最衰Boxing Day約o左同事行山，玩到兩點就要閃，真係有o的唔夠皮。

26/12--Boxing Day，四日假期最後一日，同班同事行山，當然只係郊遊慢慢行，由城門水塘慢慢行到大埔，行山唔可以心急。 :p
甜品後就到深水埗食大排檔，好正好好鑊氣，師傅真人表演好好睇。

Boxing Day晚，台灣大地震，震毀幾條海底通訊電纜，一眾網民叫救命出唔到大海，我公司Network"好彩"o地係先去英國再出街，基本上無受影響，係去唔到香港任何一個網頁，激死。

呢輪同事間所攪o既活動都係我一手包辦，成班同事叫我做康樂組組長，又係要多謝晒 -_-

不過都無所謂o既，大家o岩channel，做o下攪手又無乜所謂，嘻嘻哈哈又一日，做人有時唔需要咁左計右計，好似某信用卡咁講，此刻無價。

公司有同事下星期就唔做，我負責攪farewell party，我自己買o左份小禮物俾佢，話晒都一場同事，又一齊上induction class，都叫做classmate。

今日佢就收到份禮物，唔知佢會點諗呢，哈哈。

Ya! It's You and me.

《時代》週刊06年風雲人物唔係政要，係你同我，網民力量不可忽視，清拆天星o既動源力都係由網上爆發出o黎，網民當選成為06年風雲人物都算一個經典。

星期五去o左M$一個event，所謂Vista Business launch，派o下gift，做o下demo咁，最重要話俾大家聽，又係時候換機、換OS同換Office o勒！

雖然Windows唔算一個十分完美o既操作系統，但IT行業裡，真係好視乎M$ o既product life cycle，每次轉OS或者轉Office version，都引發一輪換機潮，睇o黎今次M$再次食Win2k+Office 2K/WinXP+OfficeXP o既舊橋，再次谷盡所有公司IT dept. o既budget。

I'm ready for a new day, do you ready?

星期日o既Annual Dinner非常沉悶，話六點半開始，七點半先有得食，成個run down好慢，食物更加唔好提...

十一點半先散場，我仲要行完山未沖涼就趕過去，超辛苦，呢o的飯局真係多謝晒。

隻味好鬼似芬達，真係要o的時間識應。

呢輪公司好忙好多o野做，個大腦好塞，所以無乜時間update blog

唔知大家有冇聽過FON？

FON原意希望大家透過佢o既Router(其實係AP)，分享大家o既頻寬出o黎，即使去到其他國家，一搵到FON o既網絡，即可以登入使用。

收費方面，如果你免費分享出來的話，登入任可FON Router都係免費；同樣地，如果你需要別人付費才可以使用FON Router，去到別人的FON Router當然也要付費；最後一種係從未使用過FON，只想借一借頻寬救急，當然也要付費。

FON o係歐洲已經運作了一段不短o既時間，香港是繼韓國後亞洲第二個正式登陸國家/地區，緊隨其後係日本同台灣。

我亦第一時間成為Foneros，因為接近零付費就可以使用其他地方的Wi-Fi網絡，網絡社區組織性強，亦都突顯科技應該更貼近生活。

同時FON出現，對香港現有Wi-Fi收費網絡商做成沖擊，自然有人提出於網絡供應商條款中列明不可分享的條款。

今日，電訊管理局有個官咁話:

電管局跟進西班牙電訊商領牌問題
[06/12 星期三 18:21] 電訊管理局副總監夏勇權表示,會跟進世界電訊展中,有西班牙公司的香港代理,未取得牌照而在會場推銷無線網絡服務的問題.他表示,在公眾地方提供無線上網服務需要領牌,而暫時仍未接獲這家西班牙公司申領所需牌照.

好，如果執得咁嚴，咁香港應該唔俾賣Router，Wi-Fi Access Point等任可分享網絡設備，好多人說香港是商人治港，FON觸動到某o的人o既神經o勒。

數碼港只係貝沙灣的後花園，香港距離科技越走越遠。

More:
http://www.fon.com

部$ony mp3 入o左廠整，因為FM收得好差，差過鴨寮街貨式好多，唯有拎上廠check check。

星期日去o左浪茄，天色一般般啦。

政府近來推出一系列列"一家人"o既電視廣告、宣傳單張等等，強調家庭和諧，減少家庭暴力。

表面好似好易咁，不如講o下我屋企：

老豆：無乜o野，有時固執小小o者；
老媽：記仇，咸豐年前o既事都會搬返o黎講，單單打打，明明電視無節目o岩睇都要著住；
細妹：懶，懶到不得了，所有家務避得就避，連沖涼都懶；
我：易火滾，唔鍾意俾人管

暴力事件就未試過，不過經常冷戰，冷戰期間我會諗返大家都係一家人，駛唔駛咁煩？

家庭政治有時比辦公室政治更複雜，辦公室政治最多拍拍pat pat打過第二份工，但你無可能脫離父子、父女關係吧！

記住，忍！

Happy Friday~~

妳說，再想見一次面，我當然沒有問題，因為太熟悉妳的性格，我知道我不出來，對大家也沒有好處。

我相信妳也有心理準備我作出這個決定，做不成情人，做知心朋友也不錯。

明天就是零六年十二月，香港的秋天去了那裡?

早幾天去了nature.org捐款，自己的工作真係好浪費紙張，為了彌補對環境所帶來影響，我決定每四個月就選擇一個環保團體捐款，第一次，我選擇了nature.org

認識nature.org，o係由一個巴士車身廣告認識，Saving the last great places on the earth，再加一幅風景相，就係咁簡單。

香港講分類回收講o左好耐，但市民仍然未能建立垃圾分類o既思想，係唔係要等到堆填區滿晒先會醒覺？
溫室效應亦都講o左好十幾年，但點解仲有人漠不關心，要等到南北極o的冰消失先識驚？
到時，會唔會已經太遲？

年尾居然仲有一大堆新股招股，今日恆指高位回吐，唔通終於結束升浪?

唔知大家點睇抽新股，有o的人覺得實會贏錢，又有o的覺得碰碰運氣，一試無妨，但抽新股跌破招股價風險一點也不輕，記住做每項投資前要做足功課，要當投資係自己生意，咁先有機會獲利。

2006入秋(哇，十一月尾仲係無涼意！)後第一次單車團，初初諗住天陰陰，點知出猛太陽，好彩我準備充足。 :p

其實都幾舒服，一個鐘由大埔就入到大美督，單車團團員(即係我同事)原來都幾踩得，不過唔知佢o地聽日對腳會唔會酸酸軟軟，嘿嘿！

今日黃昏好靚，雖然得部手機，但都照影，香港藍天更覺珍貴。

踩完車就去食大埔東江雞，正，水準比預期中高，價錢幾平，6個人都唔駛五百蚊；玩，當然要盡慶，去埋彩虹甜品(甜品又係兩round!)，好滿足。 :)

星期六同朋友行城門水塘，天氣唔係咁好，過了鉛礦坳後變得大霧，好彩都係沿車路行，無乜驚險。

郊遊的話唔錯，但影相的話就麻麻了。

下次再同你行過。

今晚，這一個決定，我也有點想哭的感覺，對不起。

FinePix 6500fd

Macro真係好勁，1cm對焦，強！

唔見o左張相機CF卡，好彩無乜重要相唔見。

但又勾起自己舊年澳洲之旅尾程唔見相機事件，o個次損失大好多，先唔計較相機金錢價值，CF卡裡有好多當日影o既相，到而家我都有點心痛，點解自己會咁唔小心。

我經常講"錢解決到o既就唔係問題"，無錯，但好多問題唔係錢可以解決到。

香港十一月仲可以落大雨，都算奇聞，而且今日我仲著緊短袖衫。

全球氣候逆轉，無人可以獨善其身，亦唔係遙遠o既事。

全球載客量最大o既飛機-空中巴士A380今日到香港，好彩我係"五天工作週 "，當然唔會錯過今次機會入機場影相。

今日都有百幾人入o左HAECO附近影佢，唔知今晚有冇人o係沙螺灣等通宵等佢聽朝0700走呢？

不過今日煙霞真係好大，影完要夾硬tune先見得人。

所謂同學朋友,

好耐無見！
唔駛掛住我，只需要記得我戒o左酒，轉嘆咖啡；我亦都再無錢供咩基金、儲蓄保險(已經月供股票)；我好唔鍾意朋友做"飛機師"呢個職業，我寧願你一早推我；最後，我好憎做賊，我係一個好人(所以我有一堆好人卡，邊個要o的)，我一句"Happy Friday"都串返我，強！

唔需要用無來電顯示o既電話打o黎或者send個SMS o黎問候我，大家都唔駛扮熟，多謝你o地o既關心，心領o勒。

祝安好！

又見到澳洲機票減價，腦海不斷浮現澳洲的藍天，翠綠的的草地，遊閒的生活節奏。

如果出年真係有假期再去澳洲，好希望能夠到Alice Spring遊覽，感受一下澳洲土著o既生活。

星期六送別天星之前，去o左Marriott同同事食Tea Buffet，兩個鐘o既buffet索價近$200，都幾貴o下！

魚生、熱食一般，係甜品較為吸引，好耐未食過檸檬撻，一次過食o左兩件，正！

香港特區政府眾所周知，歷史意識係零，舊建築唔拆唔安樂。

中環天星最後一夜，堆滿了市民拍照留念，或者，在政府眼中，利益比"活歷史"來得重要。

請記住，我已經戒o左酒，去老蘭飲o野真係唔好預我，生日都係咁話，戒o左就真係戒o左！

星期四晚好攰，o係床上網，當我準備拎部機落床，隻手一跣，部小黑同部Treo一齊跌落地，張床都成五呎高，好彩X60無表面傷痕，仲要無hang機，Treo就花o左o的，好險好險！

見報?想知我個衰樣可以睇下某本星期五出版o既電腦雜誌。

今日見到一架小巴o既椅背貼滿"忍"、"莫生氣" 呢o的白底黑紙紅邊o既poster，我睇o黎都要搵幾張貼o係公司個位同屋企床頭。

我唔介意做o野行多步，所謂Extra mile，但有時都唔好咁過份，一次半次無所謂，但唔好以為老馮就當晒係我做，我抵得諗之餘都有條底線！

呢輪可能真係負債沉重，一放工上到巴士唔駛半分鐘就瞓得著，車程大約半粒鐘都唔放過，一於少理。

不過坐小巴就一定唔會瞓，班小巴司機實在係神人級，佢o地揸得真係幾恐怖o下...

今日去朋友的Blog留言，她是用Yahoo MyBlog，短短幾十字攪足我半粒鐘，都算好野！

Blog裡有粒icon:"新增回應"，我lcick落去，要我login，okay。
Login完，咦都係無得俾我reply o既?

仲有粒"引用網誌"o既icon，click落去，跳o左一大堆文字，什麼私隱、香港伺服器buh buh..
覺得唔對路，再睇多次有冇hidden link，亂click一陣，都係死死氣click"引用網誌"

一個下意識動作--"是"，然後又問了我的姓名、出生月分(Huh!我已經login了Yahoo，點解仲要填?!)，終於...我見到我想要的回應方格！

我的生活已被Google寵壞，最近連私人E-mail都轉用了Gmail server，因為太喜愛他的直接操作介面，Google search engine更加係開工必備工具..
呢到，Blogger亦好用，但有時唔係咁stable，同埋個Editor真係唔o岩心水，formatting好亂，加埋相更加亂。

如果有一日，Goolge向大家說再見，你會點算?

中環新景記魚蛋，正！
好彈牙，香港仔山 _ _ 完全唔得

最正辣椒油，又香又辣 ;p

M

cCafe，呆坐，呆飲...

點解返屋企食餐飯都要嘈？點解唔可以靜靜o地食餐飯？

係唔係家無寧日先安樂？

荳花可以算係自己甜品最愛，特別係深水埗公和老店荳花，無論熱食定凍食都咁正。

仲有佢o既荳卜亦都一流，邊爐極品

記得係深水埗地鐵站B2出口o個間，唔好攪錯。

擒日洗完牙後，同老豆去油麻地同婆婆飲茶，然後去鰂魚涌接小黑出院，接完小黑出院就去太古城行下，點知遇正UNY減價，全場九折，掃o左o的午後紅茶、綠茶包...

然後就準備行去電車路搭叮叮去銅鑼灣買褲，點知遇到公司車，二話不說就跳上車坐順風車o勒。

買完褲，時間尚早，搭叮叮去中環，再搭天星過海，然後坐巴士返屋企...咁就放o左一日假

但感覺好得意，影o左好多相，放假唔需要去旅行，o係一個城市中放慢腳步，自得悠閒。

More pic @ my album

兩年無洗過牙，公司資助下當然要善用公司資源，用盡佢! :>

180度平躺座位，應該好好舒服，但洗牙每次都係痛痛痛，個人感覺係一o的都唔享受。今次都係痛痛痛，但好似無上次咁痛，時間短o左，唔知係我o的牙乾淨定佢偷懶?! :)

對小黑(X60)硬件上沒有什麼不滿，但對他的軟體就有少少不滿，每次我關蓋然後再打開的時候，他就會跟我由1024 x 768 跳到800 x 600的畫面，Desktop上的icon面貌全非，這樣都算...

最大問題是LCD refresh rate會由60Hz跳落40Hz，LCD的背光會出現閃礫情形。

上星期六終於忍唔住，帶小黑留院觀察，明天出院，唔知檢查後有冇改善...

好諷刺，平時買野唔要膠袋，垃圾又會分類，都算做o左環保工作，但自己卻做一份絕對唔環保的工作...一個耐唔耐就會印錯o野o既，要由頭再印過o既IT人。

我間房堆滿recycle paper，全部都係我o既戰跡。澄清，有部份唔係我錯，只係個客話唔要/攪錯因而變成recycle paper。

好想彌補自己的錯，除左貼o左張"Save our plant"貼紙o係電腦側面外，都唔知可以點...

Save our plant. Think again.

今日悶悶o地，去睇"絕望真相"(An Inconvenient Truth )。一套環保紀錄片，本來預o左幾悶，但發覺好出人意表。

可能觀眾無諗過一o的好遙遠o既事，其實已經發生o左，亦變得非常嚴重。例如冰川嚴重溶化，雪山不再積雪，海水溫度升高...

全球變暖已經成為事實，
有些人覺得環保等如經濟衰退、打爛飯碗?如果沒有地球，我們還有工作、金錢?

Money Vs Planet, I'll choose our lonely Planet.

終於買了聯想ThinkPad x60，雖然聯想買了IBM ThinkPad，但仍然保留不少ThinkPad傳統，黑色的機身，堅固外殼，好打的keyboard，好拆的零件 XD

小黑x60是有一點點缺點，例如面蓋的咯咯聲，右手邊Palm Rest因為Wifi卡熱量所做成的過熱，但對於B5 notebook來說，絕可以接受的。

身重不足1.7KG，接近8小時的耗電量，厲害！

慢慢進入秋季，雖然日間仍有點熱，但晚間變得清涼，空氣不再濕濕的，乾爽了不少。

很喜愛秋冬的天氣。

有任何問題，請去:
http://www.yucheecrew.net/phpBB2/viewforum.php?f=23

請勿再於此blog留言查詢魚翅板問題，此blog是私人blog，謝謝。

做左一晚好快速o既測試，先俾魚翅網暫時維持有限度服務，大家忍耐忍耐。

整體修復進度已經近8成！
出到post了！

不過仍然有大量手尾要執，完工日期要推遲一星期，因為我真係幾忙。

o係公司無法做到restore，唯有講下件事o既成因同遇到o既問題。

事源當晚hosting(網頁寄存)公司做upgrade，當時佢o地係有做backup and restore呢個動作，但佢o地發覺唔到mysql轉o左去4.19，支援binary code o既中文係好特別，令到佢o地o既dabase backup file唔可以直接restore落去。

而我唯有人手o係一個近200MB o既database RAW file入面逐個tables restore schema同data，魚翅板大約有25個tables，當然以posts呢個table最大。

由於mysql係v 4.19，用mysqladmin一定要set browser encoding做ISO-8859-1，如果唔係import入去o既.中文會變晒做???????，昨晚就係我一時大意，忘記set browser encoding，攪到近50% o既文章變???，而家唯有Empty返個table再import過。

PM已經import完成，真好彩。

不過就算restore完成，都要花一o的時間試返所有function，而且o的特別中文字，例如:佢、功...都要試返有冇問題。

還原工作已完成百分比:
用戶資料...100%
文章...0% <--我做錯野，要由頭再o黎過！
PM...30% :(
其他資料...95%

終於解決o左中文問題..

文章努力還原中

User database還原工作已完成！感動！

還原工作已完成百分比:
用戶資料...100%
文章...~50%
PM...0% :(
其他資料...95%

預計完成日期：本星期日，好希望真係可以o係當日完成。

先唔講點解會發生呢件事，講下維修進度。

魚翅網個database...

1G PageFile!!我唔係用Photoshop，係用WordPad打開個Database！

魚翅重生？但點解咁多????

解決到中文問題的話，會很快回復正常，但MySql + MyAdmin，UTF8同Big5真係有點困難。

希望大家俾多少少耐性。感激不盡！

上星期告別兩隻甩毛貓，由大嶼回歸市區。

三星期大嶼東涌生活，其實幾舒服，幾悠閒，雖然車程略為長少少，而且公路變化多(放工都試過大塞過兩次=_=")，一個鐘車程隨時開個雙，但因為太近長沙、塘褔呢o的渡假村落，令到東涌生活節奏亦慢了不少，好假期feel。

o係舊墟有一o的住家式酒樓，平靚正海鮮好抵食；Town center就有HD雪糕，Pacific coffee，一個好中西合壁o既市鎮。

我的大嶼相簿o係"我的相簿"裡，慢慢觀賞。 ^_^

其實已經灰了兩天，香港的天空真的很灰！空氣可以有煤炭味！

香港空氣污染嚴重，除了珠三角地區影響外，香港市民也難以卸責。

節約能源，除了慳錢，亦減輕空氣污染，努力讓香港再次見到藍天白雲，不是只在明信片中見到。

天灰
詞:施人誠　曲:馮士哲

S：如果你不再出現我的世界還有什麼可貴
E：可惜不夠時間讓我們試驗什麼叫永遠
H：想念變成懷念心動變成心碎偏偏還會關切你最後屬於誰

E：我的天空今天有點灰 S：我的心是個落葉的季節
E：我不知道如何度過今夜 H：所有的燈早已經全都熄滅

H：如果你從沒出現我會不會覺得快樂一些
E：可惜殘忍時間總要把諾言一點點摧毀
S：想念變成懷念心動變成心碎
H：偏偏還會關切你最後屬於誰

E(主)：我的天空今天有點灰 H：我的心是個落葉的季節
E(主)：我不知道如何度過今夜 S：所有的燈早已經全都熄滅

合：
我的天空今天有點灰(S：有一點灰) 我的心是個落葉的季節
我不知道(E：知道)如何度過今夜所有的燈早已經全都熄滅

H：我的天空今天有點灰 S：我的心是個落葉的季節
E：我不知道如何度過今夜 H：所有的燈早已經全都熄滅

晚晚俾兩隻"喵"私片聲嘈醒，兩父女都可以開片，真係可怕!

ZZzzzZZzz

灰色的是花花，黑色的是豹豹，主人去日本遊學，我就做保姆代養。

去年都已經試過代養，貓糧、貓沙等等今次問題都不太大，希望唔會好似去年咁要我幾次"執金"就好囉。

朝早七點起身，趕七點半巴士返工，晨早長途車，基本上九成九都係小會周公，包括我在內 :-)

好High的一晚，多謝3位精采的演出~

演唱會相在我的album裡

@無言mode

Never Mind
作詞：左安安　作曲：黃偉文　編曲：Terence Teo

說也奇怪　這些年來　不明白　我如何　忍受過來
一場期待　一片空白　人的心　就是這樣　狠起來

我們的戀愛　如果不失敗　我們怎麼會有這麼成功的分開

Never mind you just go away
你以為　我一定後悔　已經有了　最壞的準備　走了這步　就舉手不回
Never mind you just go away
你以為　我就會流淚　我會不會(如果我不會) 你配不配(你會不會)

勉強相愛　就像骨牌守不住　倒不如　倒得精采

It's okay I'm okay
我不用你陪　你不要誤會　我只是有點累　卻沒時間崩潰

無言

Can you keep a secret?

每個人心裡是否有一個放大鏡，將一些芝麻綠豆事情放到無限大，然後「鬼殺咁嘈」

在公在私，係唔係需要咁執著、記仇？
苦了的倒頭來又係自己。

週末好有夏天感覺，藍藍的天，有幾舊白雲襯托，好正！

香港的藍天買少見少，仲要o係夏天，幾熱都值得入南丫島影相！

自己財富管理能力非常差，敗家控制指數極差，個個月都有新玩具入手，多多錢都敗晒。

都想幫自己搵一個財富管理專家，唔係一開口就叫我買基金、投資乜乜，而係想幫我節流。
開源真係好難，一係轉工，一係兼職，還有投資，但我覺得先"截流"，儲到錢先開源...唔知o岩唔o岩呢?

而家返到屋企，都要花多一個至兩個鐘頭做公司的東東，平日工作已經九至十個鐘，鬼叫你窮呀！

家裡的人體工學keyboard完全不受控制，o係公司拎住普通keyboard頂住先，星期六放工又要排隊整...
好唔慣呀！

轉行五天工作日後，唔知點解逢六、日都唔好天，悶到呢！

好天一日半日俾我影下相得唔得呀!

《一公升的淚》原著同《生命的障礙》出了中文譯本好一陣子，今天終於讀完，感受好多。

活著，已經是一個幸運；健康地活著，更應該珍惜。

拜日劇所賜，令我有機會睇呢兩本書，中文譯本可能因排版及權限問題，書中比日劇裡沒有太多圖片，但可以留更多空間比讀者思考。
其實一路睇個心係好酸，特別係《生命的障礙》裡面關於搵一間好醫院同看護o既時候。

亞也開始新一段旅程o既時候，在音樂陪伴下，相信是安詳地開始。

自己非常幸運，除了瘦一點外，到現在也沒有什麼大病痛，讀罷兩本書後不敢想什麼大富大貴，只希望健健康地活下去。健康這個無價寶，在這個繁忙社會好易被忽略，但後果往往非常嚴重。

無論是第一次或者第二次做決定的時候總會，難免有o的唔開心，但現在回頭看，我仍然對我的決定無悔。

無人知下一次幾時開始，但我真係非常享受這一刻的生活。

這是我的簡單生活 (*^_^*)

我個相簿唔知幾時開始唔work，攪o左半粒鐘先知咩事，滴晒汗.. -_-!!
加o左o的行山相，得閒睇o下。

迎新training叫大家列舉自己遇過o既好顧客服務同差o既顧客服務，我自己就講o左Qantas同Smartone.

Qantas:
一次澳洲返香港，全程機天氣都唔係咁好，又有氣流，又有閃電但機長中途不斷廣播解釋當時環境，令大家安心；而且空勤人員準確把握稍為平靜o既氣流派餐派飲品。

空勤人員o既努力，加上機長詳盡又鬼馬o既廣播，良好服務應該獲得讚許，所以我有寫comment form表揚佢o地。

Smartone:
唔駛點講，唔尊重合約精神，佢o的billing咁屮亂，班Customer service又九唔搭八，網絡覆蓋又不見特別好，約滿後我就唔會再用。

迎新活動其中一項係叫各同事講出自己最開心的一件事，我講出o黎係:
o係孫燕姿演唱會中聽佢唱Live，真係好開心，好感動。

聽o左佢o的歌一段唔短o既日子，第一次親耳聽到佢現場唱，同聽CD係兩種感覺。

心裡面其實有—另一件最開心的一件事--變回單身。

真係好開心變回單身，膊頭壓力輕o左不少，舒了一口氣。

新公司迎新training足足玩足兩日，除o左員工福利比較在意外，其餘都係學非所用..

Sales, customer service...但我的位置係internal support!

大公司果然係行制度，迎新training都係一成不變。

感覺到夏天來了，又濕又熱。今年初夏雨水真多，隔幾天就下大雨，蚊蟲自然活躍，左手咬到腫腫的，討厭！

今天行山曬到少少紅，黑黑o地o既皮膚先有點初夏的味道。

新工體力勞動都幾大，一個高科技苦力，同埋好易俾紙整傷手，冬天點算...

由短距離通勤變成中長距離通勤，學識站立中小睡片刻，學識站立中食麵包，學識避開人潮，學識要忍。

七月，我就要長距離通勤，由東涌去九龍灣，每星期來回五次。

第一日返新工，感覺還好，不過要早起好多，放工o既時候不得不會一會睡魔。

新公司好多同事，認人，記名已經考起我..

Last day，執o左兩箱回家，仲未有時間開箱，有排攪..

喜愛做乘客多過做司機，香港路面不適合做司機，好易發脾氣。

昨晚往屯門，遇著一架非冷氣巴士行公路線，感覺很好，有點回到過去的就感覺，坐於車頭附近，好舒服的一段旅程~

今天是我的生日，沒有什麼特別慶祝，只想和家人簡簡單單的吃飯就算。

25歲，回頭望，是一場夢，我未能理解是一場甜夢還是一場惡夢，目標暫時是努力活著，在這個舞台好好的表演。

我可能遲o左o的先講「電車男」呢套日劇..

真人真事源自日本2nd Channel: http://2ch-library.com/male/train/ ，後來被改篇成漫畫、電影及電視劇。

o係公司用o左兩日時間煲o左十一隻連SP，有些人會覺得故事有些誇張，亦有些人覺得「電車男」只是一個故事，並不是一個真人真事

但我相信睇o左o既朋友心中都想有一位愛瑪仕小姐或者愛瑪仕先生呢！

我都可以請同事食散水餅了。

回頭望過去兩年，也是時候為自己找另一個落腳點...

仲有好多東西o係office，有排搬

星期六晚和朋友去了離島遊玩，坐尾班渡輪回中環，航班乘客不多，應該不足30人，於船尾吹吹海風，好舒服，四十五分鐘就由一個小海島回到繁華的中環...

香港又吹炒股熱，但鄭少秋又有新電視劇出街，丁蟹效應下，唔知又有幾多人中招。

我都有貨，不過長線投資，唔太緊張。

地鐵、交通銀行、晶門科技，我都覺得長線持有，相信有不錯回報。

原來有成10日無寫過blog... -_-

最近除o左忙緊o係公司coding外，返到屋企就試玩Intel x MacOSX呢個crossover組合，真係幾好玩，仲努力學緊MacOS操作方法，遲o的補上screen shot。

公司要寫程式，唯一的IT support就要兼顧埋coding，但人工毫無意思增加，唔駛咁絕嘛！
Apache + php + MySQL 我返來囉！

人怕出名豬怕肥，食肆都係一樣，一出名就好難維持質素，深井發記甜品又一例子。

擒晚去食，第三次去，平日一樣旺場，四個人叫三碗芝麻糊豆腐花(2冷1熱)，再加芒果班㦸，我o個碗係熱芝麻糊豆腐花，第一啖入口感覺係芝麻水，完全無質感，豆腐花就ok。

凍食就慘，豆腐花竟可以有綠茶味！

芒果班㦸，切開，芒果好似係雜果罐頭堆埋一舊就算，完全唔似新鮮貨。

勢色唔對，拿拿聲俾錢開車出市區再食過，頂!

Start

終於將手上的工作完成，距離往日本的日子還有兩日，再不執拾行李只會再嘈多一次，上一次去日本遊玩因大風雪關係，嚴重打亂行程，所以今次選擇了初夏去，期望天氣會好一點點。

十二天的旅程，如果是去其他國家，我會帶好多衣服、日用品跟我一起出發，但今次目的地是日本，還是預留多一些空間作回程用較好，瘋狂購物是女人的本色，外地旅遊更加放肆，毫不理會她可以使用的行李空間有多少，女人隨時比男生更敗家。

「準備好行李？」妮恩問我。

「差不多了，妳呢？」

「哈哈，不是妳幫我拿嗎？我只帶兩個空的行李箱就可以了。」她已經瘋狂！

「好。我明天接妳。」

我和妮恩帶了一袋輕便行李，三個空空的行李箱乘搭機場快線前往機場，有點不像一個十二天的旅程。

「詠兒也跟我們一起去，但即日回港，哈哈！」

「公司stand-by call? 」

「無錯！」

「難為了她送我們一程。」

在等候確認機位期間，我和妮恩先去快餐店吃早餐，雖然航班提供熱食，但我和妮恩都寧願自費，好過吃一些無味道，無水份的飛機餐，不過餐裡的糕點、蔬菜、生果這些簡單不過的食物，都會擺進口裡，令我失望的機會非常少。

踏進豪華的商務客艙，看見可以接近平躺的坐椅，柔和的暖色調燈光，完全為這次旅程增值。這一班航機全機滿坐，看見詠兒不停的走來走去，我和妮恩這兩位著數乘客還是乖乖地睡覺好了。

今日天氣有霧，潮濕，同工作上情況一樣，看不清前路。

部MP3終於整完，唔駛再忍受巴士上的Roadshow.

請假

「原來你的大假已累積了十八天，四月應該不會太忙，請假當然沒有問題，但以十二天為限。」

老闆這個大關出奇地順利，十二天應該足夠我變成一個窮鬼。

「這次是和女友去日本旅遊還是去澳洲探親戚？」

嘿！連我自己也不清楚。

「申請成功！」批准後第一件事就要向妮恩報喜，但找了一個下午也不到她，唯有傳一個短訊給她。

「報喜？」

冷不提防老闆在我後面，真的給他嚇死！

「當然，皇恩浩盪！」

「旅途愉快。」老闆邊說邊輕拍拍我的膊頭，然後返回他的房間。

我的第一份工作就在這裡，合約內寫著每一年有薪假期有十二天，雖然合約上說不可累積，酌情權下，工作了兩年的我，現在也累積了十八天假，公司有同事更累積了超過三十天假期。

老闆有時候也會體諒員工的辛勞，不太計較員工早上上班遲到問題，亦准許請一日病假的，免除醫生紙，在IT行業裡，待遇真的不錯。

對話

「請了假？」

「對。十二天。」

「去日本好不好？」

「好。」

「不是想去澳洲？」

呼！幸好是短訊，不是電話或面對面對話，我一定會氣絕身亡，為何要反問我不去澳洲。
女人是不是喜愛反問她的男朋友，妮恩就是這一類，完全不能理解這種想法。

「遲些去，親戚沒有假期。」將問題推去第三者，是我經常對付她的方法。

「但願如此。」我暈了！

「真的。」

「明天訂機票，今晚回馬鞍山吃飯，明天才找我。」

「ok」

才剛剛放下手機，詠兒來電「喂，出來吃飯啦。」

「不好了，頭有點痛」

「今晚又得我一個，妮恩出了門。」

「回馬鞍山吃飯嘛！」

「哦…算啦，早點休息。」

放工

今天妮恩當早班，很久也沒有接她放工，天氣不好，又沒有地方去，就入機場盡我的職責，為她撐傘擋風雨。

「好大雨啊！上班的時候也見到陽光的。」

「夏天就是這樣。」

等巴士回家期間雨勢越來越大，妮恩緊緊的抱著我，她找到她需要的雨傘。

上了車，妮恩很快就睡著了，她的身驅很自然的向我靠著，她找到她需要的攬枕；車子突然一下的急停，弄醒了她。

「喂，請了假？」

放長假期對IT人來說非常困難，因為大多數是以「個體戶」作業，你的同事有時候不知道你做什麼，放假的話，你所負責的工作接近停工，很難找到其他人暫時頂替，除非連你的工作位置也一併頂替。

「還沒有申請呢，明天就去。」

「你記得才好！」妮恩臉色有點生氣。有差不多半年時間沒有跟她一起去外國旅行，她好幾次暗示一定要去旅行。

「機票有期限的。」冷冷的一句，我知道明天我一定要去申請。

餘下的車程我倆再沒有說過話，她望著外面的大雨，我聽著雨水打到車頂的聲音，默默的等待車程完結，這一刻，她不再需要攬枕、雨傘。

今日又有同事last day，請食散水餅，今年已經食o左三次散水餅，幾時先到我?

習慣了家裡的鍵盤，習慣了家裡房中的燈光；

習慣了一個人生活，習慣了無束縛的生活；

習慣了呼吸，習慣了珍惜每一秒。

居酒屋

晚餐也需要解決，兩個人，又不是情侶關係，可選擇的不多，十居其九都是快餐店或者是茶餐廳，但今天的話事人不是我。

「很久沒有吃過日本菜，今晚就吃日本菜！」

詠兒昨天剛從日本回港，現在她跟我說掛念日本菜，這個大話好難令我信服。

望一望床上的鬧鐘，只是六點鐘，我還未餓，相信詠兒都是一樣，天黑黑，睡意漸濃，就伏在妮恩的電腦檯面上睡著了。

「喂！落機o勒！夠鐘起身o勒！」感覺到有人叫醒我又拍我個頭，我擰轉臉見到詠兒的臉好貼近我，我只需向前伸少少就可以和她親熱，我的身上還多了一件風褸。

「八點了！好肚餓呀。懶鬼快點起身。」懶鬼，一隻被迫做了半日苦力的懶鬼。

附近有一間連鎖式經營居酒屋食肆，我這個懶鬼今晚就選擇了這一間。

「今天看來你好累，在電腦面前也可以睡覺，完全不是你的性格。」感謝老天爺，終於有人知道我唔係超人，人總會有疲倦的一刻。

「食飽後就快點回家休息，我的咖啡和風褸也幫不到你。」詠兒一邊說一邊快速地揭去Wine List。

「喝點酒，你今天會易入睡一點。」籍口，我不用借酒精也可以隨時隨地睡覺，妳只想找過籍口喝醉自己。

暖暖的清酒，加上陰暗的燈光，這地方用來談情應該不錯的，但今天對面坐著的卻不是妮恩。檯上面的食物差不多食完，酒也老早喝夠，忽然詠兒問我：「我的臉好紅嗎？」她的臉有點紅，但看來不是太醉，應該還清醒的。
「紅了點點，沒有不妥。」

「但我開始覺得有點暈，回家吧！」看來我的任務差不多完結。

居酒屋和她們的家不是太遠，只是約十五分鐘步程，但詠兒的臉越來越紅，都係坐的士較為妥當。

「我想吐！」剛抵她們地下大堂，我叫她忍一陣，三分鐘，應該忍到。

我一打開大門，詠兒就衝入洗手間，當然正常不過，不過她真係忍唔到，還欠半步先到達終點，她就已經嘔到一地都是…

十數分鐘後詠兒行出來「好暈呀！」她邊說邊入了自己的房，我見到她攤了在地上，唯有扶她上床，她對我說「你呀，點解會對身邊朋友咁好，但不懂得對關心自己。你係唔係有病呀。」

我不相信「酒後吐真言」，人喝醉後都會胡言亂語，或者去洗手間吐了一堆嘔吐物。

經過一輪肉搏，詠兒終於睡著，而我就要清理戰後的洗手間，足足半小時才清理妥當，今天真是倒楣！

我攤在梳化休息的時候，我的手機響起來，是妮恩。

「去了那兒吃飯？」

「居酒屋。詠兒又醉了。」

「日本菜都可以飲醉… …」

「清酒嘛！」不要給清酒的清字騙了你，清酒的酒精含量絕不少的。

「哦！不用等我回家，你先回家休息，今天辛苦了。」

今晚的惡夢終於夢醒。

今朝飲了一杯無泡沫o既意大利泡沫咖啡....俾McCafe激死!

下午拿了MP3去Creative修理，因為耳筒插頭位鬆得好緊要，經常變聲。

初時以為可以即場一換一，點知轉o左政策，要十四個工作天整或者換...

超過兩星期過著沒有MP3的日子，忍受各種交通工具人為噪音....悲!

家私

法官拒絕聽取辯方求情，宣佈反對無效。

平日我對詠兒認識不深，或者我沒有興趣去了解，不是她沒有魅力吸引我，妮恩已經讓我操心，加上長時間工作，我已經沒有可能再分配時間讓我發掘身邊異性。

「嘻嘻，今天真的要麻煩你」「不打緊」不祥預感越來越強烈。

來到一家大型超市式家私店舖，她用熟練的身手避開人群，我相信為了這一件家私來看了超過五次。

「就是這一件，來幫我搬回家。」在我面前是一張絲絨工作椅。散件後重量及體積尚可以接受，不過我一定還要負責一連串後繼作業。

「還有一樣…」詠兒邊說邊拉我去浴室部，然後指著一件長約兩呎半的玻璃架，應該適合安放於浴室中放置女士們的香水、噴發膠、Mask、保濕精華、去斑...

我慶幸沒有第三件的出現。

回到她們的家，我搖身一變變成家私裝嵌工人。先於浴室安裝玻璃架，感覺上比較容易，於牆上鑽四個小孔，再扭上螺絲，放上玻璃，二十分鐘後大功告成。

工作椅就麻煩得多，包裝上附有所謂的簡易安裝說明，但抽象的圖示，加上無稜兩可的文字提示，好像玩砌圖般逐一嘗試。
當我於妮恩的廳中努力中砌圖的時候，突然嗅到一陣咖啡清香，我好像大白鯊嗅到血腥味般，衝去廚房，加糖加奶，返回妮恩的房間享受咖啡，懶理詠兒還在廚房。

「好喝嗎？」詠兒也進了妮恩的房間。

「免費的，不能要求太高吧！嘻嘻！謝謝妳的咖啡，很好喝！」說實話，味道有點兒怪，蒸餾時間應該略長了點，但別人出於好意，也不能吹毛求疵罷。

「今晚我有沒有機會試新坐椅？」詠兒指著安裝說明紙。

「如果今日免費咖啡不停供應，相信問題不大的。」每做一件事也需要原動力，這次立體砌圖的原動力就是一杯咖啡。

我花了一個小時終於安裝完成，但不敢立即請詠兒試坐，自己試了大部份功能後才敢向廚房大呼「完成了。」

詠兒十分滿意新椅子和玻璃架，當我去洗手間洗臉的時候，發覺玻璃架已經擺滿各式各樣用品，效率驚人。

「不如找妮恩吃晚飯。」詠恩邊說邊拿起手機找妮恩。

「妮恩說不行了，今天很忙。」

我的惡夢才剛剛開始。

今年情人節都係一個人，保住荷包！無乜感覺...

愛情證書

作詞：徐世珍　作曲：李偲菘　編曲：Terence Teo

寂寞當然有一點　你不在我身邊　總是特別想念你的臉
距離是一份考卷　測量相愛的誓言　最後會不會實現

我們為愛還在學　學溝通的語言　學著諒解　學著不流淚
等到我們學會飛　飛越黑夜和考驗　日子就要從孤單裡畢業

我們用多一點點的辛苦　來交換多一點點的幸福
就算幸福還有一段路
等我們學會忍耐和付出　這愛情一定會有張證書
證明　從此　不孤獨

兩女一男

我的女友因為工作關系，和她公司內的朋友合資於荃灣區內租住一個單位，方便上班。

基本上我女友妮恩已經當該處是她的"家"，只有假期才會返回馬鞍山家中留宿；她的朋友，詠兒，是這個單位的"包租婆"。

詠兒父母已移居外地，但她不習慣外國生活步伐，畢業後返回香港工作，轉了數份工作仍不滿意，直至這一分。

我雖然只是過客，不用給房租，但卻可以隨時留宿，當然要為這便利付出沉重代價。

週末

星期六下班後，被妮恩急召「家裡的冷氣機應該壞了，快點上來看看！」唉！IT從業員不是每一樣有電腦的電器也懂修理的。

「沒有辦法，它的溫度感應器應該壞了，溫度數值錯得很厲害。」空調機組顯示室溫為15度，但我弄得滿頭大汗，實際室溫近30度！
幸好，壞的機組是安裝於客廳內，不是睡房中。新加坡內閣資政李光耀曾說，冷氣機是二十世紀最偉大的發明，我深感讚同；香港的夏天和新加坡一樣，又熱又濕，沒有冷氣機的出現，一定沒有人願意於新加坡或香港投資！

妮恩和詠兒都在家，卻懶理我如何辛苦，只懂各自躲在自己的空調房中，檯上面的冰水都是我自己帶來的。

「很熱啊，真的沒有辦法？」詠兒喊道。我不是在開利空調打工，當然沒有辦法。

妮恩今天當夜更，她交下給我的任務就是安排節目給詠兒，「不是吧，只是客廳空調壞了，為什麼要我為她打發時間？」我反對「她可以在房中上網抽煙，或者她可能有約會，為什麼要我非陪她不可？」我再次抗議，因為我對詠兒抽煙這種習慣印象不太好，雖然我明白她們的工作性質，點一根煙，只是減壓方法，但為何不選擇一些較為健康的方法？例如喝咖啡。

「今晚有時間才解釋，記得你的任務。」妮恩邊說邊衝出房間，還向我做了一個鬼臉才上班。

任務？不用這麼嚴重吧，但總是有種不安的預感。

我為o左追回被多收o既$1.71打o左三次電話投訴，到而家都係音訊全無！

我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。
我以後唔會再用數碼通。我以後唔會再用數碼通。我以後唔會再用數碼通。

推介下細閱一本愛情小說--和空姐同居的日子，書名有點色情，但內容來得輕鬆，純愛。

故事同居情節雖然有點不真實，但書裡所描寫o既愛情感覺卻非常窩心。原來，愛，是可以這應簡單。

有一些感覺，可能你已遺忘得一乾二淨，當你看到這個故事時，這些感覺又再次勾起你o既回憶。

手上面的E-book版本和網上轉載的版本，於結局時有些分別，初初真的有點兒害怕這就是結局，可能E-book上列出兩個結局(但有一個結局應該尚未完成)及讀者自行"參閱"。網上版本的結局可算完滿，冉靜寫給陸飛的一封信，令我好感動...

希望大家好快找到你心目中的"空姐"。

看罷還要抽點時間看看作者三十o既訪問。

我自己真的試過和空姐同居，抱歉，不是女朋友，算是好朋友吧。她和冉靜一樣，好需要一個溫暖的家。

公司準備新一輪換機潮，將四年幾o既IBM Desktop換，舊機仲跑緊Windows 98，唔記得死過幾多隻HDD...

換機潮遺留o左我，仲用緊Windows 2003 Evaluation Copy o既我，無辦法，時辰未到...

藍芽

我終於找到一支可以支援同時接駁兩樣藍芽裝置o既免提，而且話音一流，重量可以接受，長時間戴唔算太辛苦，係個開關掣太細粒，好難按...

十三么

今日打牌，好蝕水，眼白白睇住舖自摸十三么食唔到，激死！

近排好窮，但又好想飲咖啡，暫且放下星記，試試公司附近o既McCafe

"大杯Cappuccino"

索價$20

咖啡味較星記淡，但McCafe奶較星記滑(好味，就係維記)；洒上面的朱古力粉，幸好是裝飾用途，沒有搶去咖啡的味道；最大問題係外賣杯蓋設計，口位不夠深，飲的時候總係驚會從嘴邊漏出o黎，星記設計較好。

$20，這杯咖啡可算交足功課。星記後的second choice，排名高過Pacific..

但堂食的話，始終McCafe營做唔到星記那種和諧、舒服感覺，始終和老麥為鄰，亦缺少星記那種大梳化。

荃灣那間McCafe，地舖，加上隔離就係老麥廚房，嘈到想死，完全無可能嘆咖啡...

2006/12/30

2006/12/27

2006/12/22

2006/12/19

2006/12/18

2006/12/17

2006/12/11

2006/12/09

2006/12/06

2006/12/05

2006/12/02

2006/12/01

2006/11/30

2006/11/28

2006/11/27

2006/11/25

2006/11/24

2006/11/21

2006/11/18

2006/11/16

2006/11/15

2006/11/13

2006/11/11

2006/11/08

2006/11/07

2006/11/06

2006/11/02

2006/11/01

2006/10/30

2006/10/28

2006/10/27

2006/10/26

2006/10/25

2006/10/09

2006/10/02

2006/09/24

2006/08/26

2006/08/20

2006/08/19

2006/08/18

2006/08/17

2006/08/15

2006/08/13

2006/08/11

2006/07/27

2006/07/19

2006/07/15

2006/07/09

2006/07/07

2006/06/30

2006/06/27

2006/06/19

2006/06/15

2006/06/02

2006/05/28

2006/05/27

2006/05/20

2006/05/19

2006/05/12

2006/05/06

2006/05/05

2006/04/30

2006/04/24

2006/04/23

2006/04/21

2006/04/19

2006/04/17

2006/04/16

2006/04/09

2006/04/05

2006/03/26

2006/03/19