壞心情

心情差的時候總會嘗試搵o的快歌整醒自己...

YUI-My Generation

機場日落

今次去影日落無帶腳架，無帶長鏡，都唔知點解仲入去。不過能見到好厲害，連澳門旅遊塔都見到...

有工見

本來開心先係，但心情唔太好..
唔係見工問題，係現在呢份工有點唔捨得，最唔捨得係而家班幾玩得o既同事，齊齊講下股票，笑下，又呻下，同一間房相處好融洽，o係而家社會裡更加難能可貴..

甩毛貓

我又o黎啦，今次分幾集添!

That's why I choose ThinkPad

睇完兩段片後，就知點解我會用ThinkPad

洗耳仔

上星期發覺右耳聽o野好差，走去睇家庭醫生，搵電筒一照話好多耳屎，要滴耳油然後沖佢出o黎。

如是者滴o左四日，今日去沖，沖幾次就沖左一大舊耳屎出o黎，再沖多兩下，另一舊都沖埋o黎，右耳聽覺即時好敏感，到而家都好唔慣。
相比下左耳聽覺差一大截咁，又要我沖過？

死死下

無聲無氣，搵襯人都當我透明，約一大班食飯，又SMS又MSN又電話都係唔覆，但搵我答問題就要一定搵到我，我個答案仲唔可以係"唔知、唔得"

都幾攪笑

有得必有失

人生就好似一場零和遊戲，有得必有失。當你刻苦經營某樣o野，同時你不知不覺間失去另一樣o野。

機關算盡，可能冥冥中自有主宰。

閒遊蘇屋

早期的公共屋村慢慢的清拆，老牌屋村之一蘇屋村準備清拆，星期六無事做，去了蘇屋村影小小相




晚上去灣仔食飯，路經告士打道...

炒車

係差少少，車頭撞車頭。

巴士急停的一剎，下意識地一定會捉實扶手，但當時企o係落車門附近o既我，竟然想鬆手...

甜．不停食

最近心情好差，不停搵甜品食希望自己心情會好o的，但係好似無乜作用咁。

相相相

http://www.hk235m.net/galley/ausnz2007

遲些少後補返旅遊日記。

有相睇，不過...

擺晒相上server，差唔多配好晒字幕，send link俾班friend睇，個server竟然死o左，平日又唔見佢死，今次我有新相就死直，好o野呀！

科技．生活

在這高科技年代，"絕交"變得好簡單，先有ICQ o既Invisble List，進化到MSN Block user，電話/SMS都有應用軟件幫你跟某位朋友"絕交"，但為何沒有勇氣跟你的朋友大聲地說--"唔好煩我"/"唔好搵我"呢？

*以上包括但不限於朋友關係。

收聲

每日返工好似打仗，一有稍為空閒時間都會同身邊同事呻兩句，或者講下股市市況抖下減下壓，最近班老頂竟然叫其中一個同事收聲，叫佢唔好玩得咁埋。

如果令到整個辦公室氣氛更開心，又唔影響工作能力，究竟有什麼問題？


我就懶理，仲爆o左句金句:樣樣都急，你估呢到係便利店話有就有?!


今晚同班舊同事食飯都係圍繞緊呢間公司，大把笑料有排爆。

後悔

公司傻傻o地，係咁叫同事放假，咁多野未清，點放，我就係咁"依"放半日。
本來去南丫島，提前去o左，又唔知攪乜好，本來諗過去整Notebook，但又可以拖多日，攪攪下攪到中午一點都唔知做乜，攪乜都無反應，又無相機，算了！

離開公司去機舖打機後都係無聊無事幹，見有小巴入西貢，衝上車..



入到去先搵車仔麵食，再行去碼頭吹風



o係碼頭吹了近一個鐘，和緩的海風輕輕的吹過來~~

再去老麥食雪糕順便借wifi上網check email，心裡即刻跌入谷底，一次過要出五份report！
有冇咁離譜！

死死氣打返公司救命，當然自己的事自己做，只係想攞返足料好等我夜晚慢慢"嘆"

臨離開前仲影多幅，我愛藍天。



後悔沒有帶相機，只有雞肋電話；後悔放了這半天假，我o係屋企"嘆"足一晚；後悔浪費了香港的藍天；後悔......

這半天，我實在太多東西後悔。

130

終於執好，130幅相...zzzZZzz

未出街，因為要配"字幕"

過山車

擒晚o係屋企坐了一次過山車。

舊同事send條link過來，話係結婚相，半信半疑下開o左，咦，真係佢o黎，初初仲以為係毒link，真係要恭喜佢，準備俾佢o既紅色炸彈炸。

相都未load完，收到一個朋友o既電話，同佢老婆鬧離婚......

唔通真係相見容易，同住難？

Photoshop

的起心肝，星期日去買o左本photoshop書，認認真真從頭學起。

神醫

日頭我已經support緊三十部機，幾十個唔同user，夜晚係我休息時間(有時夜晚我仲要Remote access support)，忽然差唔多半夜成十二點打o黎求救，個Windows已經爛到boot唔到我真係無心機攪，你唔知你做過乜，唔通我o係電話另一邊會知你做過乜o黎?

親戚唔係神醫呀！

691張相

影完，到要執o既時候都幾吃力。

同時發覺旅行期間部350D CCD有粒大塵，又加重執相o既壓力。

大家等多陣，大約有100幅相會出街o既。