去珠峰?

今次去西藏，有諗過應該夠時間去埋珠峰，不過自己心態係隨緣，好視乎當時高原反應唔大又夾唔夾到時間、人數一齊包車。

o係拉薩第三日，知道賓館入面有另外三位港客會包車去珠峰，我就心思思想join，但仲有o的頭痛痛，諗住睇多一日先決定去定唔去。

第四日我仲有o的頭痛，但感覺自己呼吸順暢，又食得、訓得、玩得，就決定跟呢三位港客併車去珠峰。

佢o地原本旅程係四日珠峰+納木措，但我就唔跟遊納木措，想早一日回拉薩休息..

23/6早上八點半，四個人向珠峰出發！