Photobook

收到最近做的Photobook，忽然想起前些時候hypo提起hypoBooky的歷史，也應該為hypoBooky拍拍照，留一個紀念！

沒有被遺忘的hypoBooky，沒有被遺忘的旅程！

從那一本開始，我對相本書著迷...

我的最新一冊！

總共六本了！

旅程尚未完結，期待下一次旅程。

My first AOMORI (1)

終於決定去日本。

十月三十日，晴。

但日本當地天氣預報係風雨交加，飛機降落日本成田前大約一小時就開始拋得好緊要，日本天氣預報真係準。

落地後換了7天JR Pass，劃了最快的一班N'EX位，前往市中心途中見到其他列車運行情報同天氣預告，我又唔記得帶晴天公仔出行！

去到東京站，轉乘山手線前往酒店，酒店由JR東日本營運，當然同車站接近零距離，房間面積算頗大(以日本酒店定義)，而且設備應有盡有，連空氣清新機都任你用！

特別地方是房價包括了早餐，但原來以代用卷形式於週邊兩間餐廳使用。

再搭山手線去東京站換明天的新幹線車票，忘記了今天是星期六，服務中心會提早關門，但幸好誤打誤撞下都能順利換票。

吃了兩次晚飯後，打道回酒店，明天前往八戶。

告白，Liar Game

一連睇o左兩套日本片，先講上畫中o既Liar Game。

信任、欲望、金錢利益、友誼，每個人心目中的天枰上的法碼永遠也不一樣，伊甸園會唔會只係夢境中才會發生？

Liar Game每一集都會有一個「遊戲」考驗參加者o既天枰，今次電影版最終回裡o既遊戲較為淺易，可能時間所限，題目不可以太深，但蠱惑位都係交足功課。不過我覺得香港觀眾未必容易接受日劇式電影，因為背景交待好多時都係太快，令到觀眾唔明白電影想交待甚麼。

為甚麼你要復仇？一泄心頭憤？以牙還牙...？

好一套反思社會問題的電影，加上松隆子非常入木o既演出，場面未達致血腥，但背後意識上卻非常恐怖！
相信《告白》要入圍奧斯卡最佳外語片應該無難度。


兩套電影，共通處都係由漫畫/小說改篇，令到戲種更加廣，但觀乎港產片，還停留在: 武打、愛情、警匪、狂笑，戲種越來越窄，加上中港合資電影主導本地市場，老版好多時都以收益先行，對本地觀眾來說，不是一件好事。

Firefox你攪乜?

越用越大食，一晚就要close一次free返近800MB RAM，RAM我有好多，但當食到近500MB開始，Firefox反應會變得好慢...

而家我睇Flash stream已經轉用Chrome，起碼唔會窒，同埋食RAM食少好多！

杜拉拉升職記

好o岩睇，真係好o岩自己睇！

公司剛巧要搬，和故事一樣，一鑊粥，實在太多巧合之處，希望行政部經理真的生生性性，不要再錯了。


再講返故事，到肉地方好多，亦有好多地方可以於職場上作出參考，受教了！

P.S. 我只睇了ebook，未有時間睇電影同電視版