嘈

為左一支雪條棍又同我老媽開火，我屋企有兩個垃圾筒，一個我日日清，擺o係廚房，又另一個擺o係廳，兩至三星期先清一次。

頭先唔覺意踢翻o左廳個垃圾筒，發覺入面有一支雪條棍同一個雪條袋，真係吹脹，惹甲甴同蟻o既垃圾竟然擺入廳一個幾星期先清一次o既垃圾筒，我同老媽講下次要擺廚房個垃圾筒，竟然我老媽發我爛渣，好大聲同我講「唔鍾意就唔好出聲」，我無再出聲，因為我好唔鍾意。

我只係想間屋乾淨o的o者，有問題？

雪櫃有燈等如無燈，因為生o既o野永遠擺晒上面，熟o既o野擺落下面，成日話雪櫃唔夠凍，有冇諗過個雪櫃點解咁滿？超市過期貨唔夠我屋企多，飲罐汽水唔睇 Expire date係自己傻仔，醬料更加不要問，只要信；老媽廚房，唔瀉先講；一家四口四百幾呎，鞋有十五對，細妹七對，老媽五對，仲未計鞋櫃！搵吸塵機吸塵只係吸到鞋，吸唔到塵..

一個人搬出去住真係好吃力，但真係好煩...