北京, are you ready?

大約仲有六十幾日就北京奧運，北京，are you ready?

1. 機場T3落成，係好大，亦好似香港機場(同一建築師)，但效率同指示仲係唔掂，~13:00隻機埋到gate，~14:15先到等機場巴士個位...

2. 地鐵1、2號線無冷氣車真係好惡頂，轉線站指示不足，而且有點擔心轉用自助售票後更加混亂。

地鐵站出口地圖不足，而且又唔清晰，就算5號線新通車都係咁。

2號轉13號線西直門站更加一絕，係我經歷過最惡頂o既轉線系統，四、五層樓高都可以無扶手電梯，日曬雨淋乜都齊。

o的標示甚至車廂設計係抄到香港足，但班員工連制服都著到騎騎呢呢，唔著制服開地鐵都得！

3. 停車熄匙本意係好，但一車幾十人窗又打唔開，好惡頂。

4. 吐痰聲係少o左好多，地面都係有痰，但對比其他城市，好好多。要讚!!
請包住文明!

5. 排隊、排隊，請排隊!

6. 請勿玩噴口水，o係地鐵見過一對情侶玩互噴口水(個MM仲幾得)，真係好恐怖...

7. 交通管理仲可以再好o的，司機仍然左穿右插乜都齊。

8. 公安們企理o左，亦好耐心解答問題。

9. 英語水平...酒店無問題，但其他就...

10. 水立方、鳥巢仲係爛地一大塊...

11. 物貴係拍得住香港，但都有平貨，例如:
10包紙手巾只賣RMB 3.5；500mL寶礦力只賣RMB 3.8；10粒必理痛只賣RMB $4.5