停一停，諗一諗

今日半天假，好充實，可以分上下集講。

上集，午飯後入o左元朗，唔係買老婆餅(呢句好old school :p)，而係去保護遺棄動物協會探訪一o的被遺棄動物，其實好早之前已經有意思探訪，今日終於抽到時間。

飼養每一隻動物前，點解唔「停一停，諗一諗？」你的一個決定對牠們來講，係一個終身決定，唔係當你覺得牠們討厭o既時候可以就咁搵個街頭遺棄，牠們被遺棄是沒有罪的，有罪的是遺棄牠們的主人。

好希望每位朋友想飼養每一隻動物前，請抽時間去保護遺棄動物協會探訪，然後再想清楚，你，是否有能力、責任，對牠作一個一生承諾。


剛巧遇著一間中學探訪參觀，沒有機會參觀貓房及兔房，留待下一次。




除了貓狗，還有大(肥)豬同黑羊，去我album睇埋其他相。