前往酒店路上見到好多武警真鎗實彈巡邏，真係越危險地方越安全?
到達酒店後，除了報平安外，就係好好地休息，有一張唔會左搖右擺的床已經好滿足。高原反應比想像中厲害，半夜已經比頭痛痛醒兩三次，心跳得很快，呼吸有點急，比在火車中更難受。捱到天亮後更有點想吐的感覺，完全沒有胃口進食，再睡，初初以為中午後會好一點，沒有好轉不突止，頭痛得完全瘋掉，無計可施下唯有去醫院。
西藏自治區人民醫院應該是全西藏區設備最好醫院之一，誤打誤撞情況下去o左門診部，而唔係急救中心，都可以，最緊要有一個正統醫生睇。
第一次旅行期間去醫院，特別係大陸醫院；這間人民醫院都幾大規模，登記後先驗眼壓，再驗血液含氧量、血壓，再望問聞切…
最後醫生結論係，可以繼續留o係拉薩適應高原反應，但因為太耐無進食，要吊葡萄糖水+Vit. B+鹽水+不明物質補充養分(不明物質係佢寫得太靚，完全睇唔到)。
由門診部走出，行過去120急救中心吊葡萄糖水足足吊左近3個鐘，可能醫院通風好，加上補充o左養分(無另外再吸氧氣)，竟然無乜頭痛，仲幾好精神，右手仲可以用電話MSN吹吹水。
吊到夜晚近九點出院，都無乜頭痛，但一返到酒店又痛過，係痛到癲o個隻，再上床訓，訓到半夜又係痛到醒。天光後情況無乜好轉，就算食埋醫院開o既藥都唔係好得，去到中午我決定坐o係窗邊開大隻窗吹吹新鮮空氣，坐o左半日終於好一點，仲可以落街食晚飯，兼去超市買些o野飲。
26/8進藏第三日，身體總算適應高原，頭痛亦算可以接受，朝早沖個溫水涼，因為已經三日無沖，同行兩位朋友已經眼bear bear。水溫唔算熱，是但沖完就算，亦要轉酒店了…
沒有留言:
發佈留言