過完保安檢查，就要行大約100級樓梯上山頂o既售票處，o係平原地帶行100級樓梯當然無問題，但o係高原地帶就真係唔係講笑！休息o左幾次用o左近十五分鐘先上到售票處正式買飛。
因為信仰同保護文物關係，室內嚴禁拍照攝錄，而且有武警把守之餘更有大量閉路電視監察，其實都係一件好事，等大家更專心o地參觀，唔係為影相而參觀，(特別係大陸團，一味只係識得影相！) 更加對寺廟內生活o既僧侶加多一份尊重。
布達拉宮內主要地方都加了簡短中英文簡說，如果碰到旅行團參觀，更可以偷聽導遊解說，連導遊費都慳返 XD。一路順時針咁行，由頂層落到出口，大約行o左兩個小時，再o係出口戶外位置影影相就走去市中心嘆嘆咖啡休息一下。
呢間咖啡店誤打誤撞入去，但裡面景觀真係一流，佢背靠住布達拉宮，加上全落地玻璃，景觀一流！
晚上約了Charlie於亞賓館附近o既岡拉梅朵 晚飯，Charlie剛遊覽了林芝及納木措，睇相當然係必備節目。梅岡拉朵食物非常可口，特別係牛肉餅(唔係太記得叫咩名，暫且叫佢做牛肉餅先啦！)
食飯期間發生了小插曲，同行一位朋友起身準備前往洗手間，設計關係需要向下踏一級樓梯，佢應該唔為意而跌到，暈一暈後我o地扶返佢起身，佢自己話自己唔知自己跌倒，o個幾秒期間完全唔知咩事，甚至唔知自己o係邊，我稱之為 “斷片” 事件…
約了Charlie明天一同參觀羅布林卡--達賴喇嘛o既後花園
沒有留言:
發佈留言