雖然按原定時間出發，但唔算有太大期待，天氣真係唔好。
沿路經過林芝機場，號稱全國最難升降機場之首，難度不單在於海拔高度，更因為位於山谷之中，天氣、不定向風、兩邊山谷高度都對升降有莫大困難，而且下午因為風勢超過飛行安全許可，更加唔可以有任何升降。
經過大約兩個小時車程，去到公路上魯霞邊防公安檢查站，除o左司機外，竟然要埋我o地乘客落車登記，登記o既時候望望我o地張回鄉卡就打電話問上級，然後就叫我o地上返車等…
大約十分鐘後有位高級警官同我o地講，持有回鄉卡需要邊防證，而邊防證需要去公安廳辦理，最近o既公安廳位處八一鎮…即係林芝，噓！
雖然話落雨，就算去到大峽谷o既話景色應該都會唔靚，但白白浪費來回近四個小時車程就最激氣！
返去林芝午飯前去o左喇嘛嶺寺參觀，但雨落得非常大，而且好凍…
之後就等型仔司機帶我o地開飯，我o地提議食藏餐，o係林芝市內搵o左陣就去o左間藏餐廳開飯。
本來坐大廳，後來入o左房坐，坐得更加舒服。間房裝修好得意(除o左道藍色o既窗) ，好有藏民氣氛，食物又非常好味！雖然我無飲甜茶同酥油茶，一樣覺得好似去o左一間藏民o既屋企…咁特別o既裝修當然又要影影相
飯後無事做，司機就睇議睇民族舞，反正無聊，一睇無妨。
是日晚飯又在林芝賓館，但無再豪食，$200/3個人，待遇同食物即時打回原形，死未?!
引申閱讀: 中印邊界爭議，大峽谷所在地非常接近爭議邊界地區
沒有留言:
發佈留言