08 遊西藏 – 26/8-27/8 逛拉薩

26/8下午轉了酒店後，空氣好一點，胃口亦好o左，可以行行八廓街，甚至夜晚食一些假西餐。 (奉勸大家去瑪吉 _ _食飯要有心理準備，食個氣氛同街外環境就算，食物真係好麻麻)
八廓街有好多好多武街巡邏，甚至o係高空監視(高空，其實只係三、四樓天台) ，氣氛雖然唔算緊張，但總係有o的奇怪，可能唔慣有咁多支鎗行來行去。



27/8一早，先過去布達拉宮買明日o既門票(其實係換票證) ，食飽午飯後閒遊色拉寺。
色拉寺於314事件後已經再無辯經，亦有幾位便衣公安於門外把守，去到其實只係大約下午三點鐘，感覺很冷清，無論遊客、信眾都好少，反而多了一份莊嚴。

大陸旅遊景點最缺乏指示、地圖、解說，西藏重點保護寺廟更見缺乏，當然我唔需要迪士尼主題樂園式指示，但希望於一些當眼位置提供地圖，及一些解說會更方便遊客了解寺廟特式。





遊遊逛逛，行o左大約一個半小時就行完。返到酒店後再o係八廓街附近搵食…