羅布林卡係達賴後花園兼避暑o既地方，建築物用色明顯鮮豔得多，亦種了大量樹木。
去到o既時候剛剛開門，入場後就每人再俾錢坐電動車同租導遊引領參觀，雖然天色唔係咁好，但仍然被佢o既建築物所吸引，最驚奇係裡面裝修、陳設係非常西式化。
遊覽期間見到一隻只係兩個月大o既藏獒，非常非常大隻！
因為Charlie要趕飛間離開西藏，行o左大約兩個鐘就要離開，而我們就繼續下午旅程。
下午參觀大昭寺，其實八廓街就係包圍住大昭寺，大昭寺香火非常鼎盛，每一日都有大量信徒到來門外參拜，但寺廟內部就依然莊嚴，雖然位處旅行者熱門地標中心，但發覺到每位訪客都盡力保持寺廟內的肅靜，特別於寺廟室內地方。
大昭寺o既入場門票除了一張紙外，還附贈了一張長方型的光碟片，更加詳細介紹大昭寺內部及其歷史。
晚飯再去位於布達拉宮附近o既咖啡店，食物質素唔錯，加上環境優越，絕對值得一試再試；晚飯後再於布達拉宮廣場影夜景就返酒店準備一早起身睇晒大佛。
雪頓節係拉薩主要節慶之首，有好多好多表演，舊年仲有放煙火，但今年除o左掛o係燈柱上o既宣傳品外，氣氛唔算濃厚…
但人算不如天算，我訓到半夜竟然肚痛，去o左幾次廁所，攪到我唔敢去睇晒大佛，因為落的士後仲要行一段唔短o既路上山，肚痛實在非常難攪，我唯有睇同行朋友影返o黎o既相就算~~
匯合同行朋友於瑪吉 _ _ 吃飯，飯後就打的去羅布林卡睇藏戲，因為昨天參觀o既時候導遊小姐話今日雪頓節只需要買幾蚊o既入場票就可以入場睇藏戲，點知被騙了，仍然要付全假先可以入場…無辦法下唯有打的返八廓街再行多次大昭寺，旅遊書講大昭寺門票可以多次使用，當然又係被騙啦!!
行o左八廓街一個圈就返酒店休息，準備5日林芝地區之旅。
是日晚飯於東措青年旅館其中一間餐廳，味道都唔錯，起碼好過瑪吉 _ _!!
沒有留言:
發佈留言